मुंबई – मराठा आरक्षण रद्द झाल्यानंतर महाराष्ट्र सरकारवर मोठ्या प्रमाणात विरोधकांनी टीकेची झोड उठवली. विरोधकांच्या आक्रमक भूमिकेनंतर आता राज्य सरकार आरक्षणाचा चेंडू केंद्राकडे सोपवण्याच्या तयारीत आहे. या संदर्भात मुख्यमंत्री उद्धव ठाकरे यांच्या नेतृत्वाखाली महाराष्ट्र सरकारचे शिष्टमंडळ आज मराठा आरक्षणासंदर्भात चर्चा करण्यासाठी पंतप्रधान नरेंद्र मोदी यांच्या भेटीला दिल्लीला गेले आहे.
दरम्यान, अत्यंत महत्त्वाच्या अशा या भेटीच्या आधी मुख्यमंत्री ठाकरे यांनी काल रात्री उशिरा राष्ट्रवादी काँग्रेसचे अध्यक्ष शरद पवार यांच्याशी चर्चा केली. मुख्यमंत्र्यांच्या ‘वर्षा’ या शासकीय निवासस्थानी दोन्ही नेत्यांची प्रदीर्घ चर्चा झाली. नगरविकास मंत्री एकनाथ शिंदे यांनी या भेटीच्या चर्चेला दुजोरा दिला. मराठा आरक्षणासोबत राज्याशी संबंधित अन्य मुद्द्यांवरही पवार व ठाकरे यांच्यात चर्चा झाली.
CM Uddhav Thackeray met Sharad Pawar to discuss issues including Maratha reservation ahead of meeting with PM Modi. Delegation of Maharashtra CM, Dy CM Ajit Pawar & Maratha reservation Sub-committee head Ashok Chavan will meet the PM on June 8:Maharashtra Min Eknath Shinde(07.06) pic.twitter.com/Ciecxg4t2P
— ANI (@ANI) June 7, 2021
सोमवारी राज्याचे गृहमंत्री दिलीप वळसे पाटील यांनी उद्धव ठाकरे मोदींची भेट घेणार असल्याची माहिती दिली होती. “मुख्यमंत्री उद्धव ठाकरे आणि उपमुख्यमंत्री अजित पवार यांच्या नेतृत्वातील शिष्टमंडळ उद्या दिल्लीत पंतप्रधान नरेंद्र मोदींची भेट घेणार आहे. यावेळी मराठा आरक्षण, ओबीसी आरक्षण आणि तौते चक्रीवादळ मदतीसंदर्भात चर्चा केली जाईल,” असं वळसे पाटील यांनी स्पष्ट केलं होतं.
महत्त्वाच्या बातम्या
- मराठा आरक्षण : मुख्यमंत्री उद्धव ठाकरे आज घेणार पंतप्रधान नरेंद्र मोदींची भेट
- ‘हसीन दिलरुबा’ चित्रपटाचा टीझर रिलीज, सोशल मीडियावर व्हायरल
- मोदींनी उशीरा घेतलेल्या निर्णयामुळे अनेकांना जीव गमवावा लागला; ममता बॅनर्जींची टीका
- विषय हार्ड : निलेश लंकेच्या कोविड सेंटरमध्ये चक्क ‘शुभमंगल सावधान!’
- आम्ही अडचणीत, आम्हाला मदत करा; छगन भुजबळांचा फडणवीसांना फोन आणि…
