पुणे : पुणे शहरात कोरोनाच्या पहिल्या लाटेसह दुसऱ्या लाटेने हाहाकार माजवला होता. पुणे जिल्ह्यातील कोरोना रुग्णसंख्या ही मधल्या काळात संपूर्ण देशात सर्वाधिक होती. पुणे महापालिका क्षेत्रासह जिल्ह्यातील कोरोना स्थिती ही आता आटोक्यात आली असून आता कोरोना काळातील कामांसह शहरातील इतर कामांमुळे पुण्याचे महापौर मुरलीधर मोहोळ यांची अखिल भारतीय महापौर परिषदेच्या राष्ट्रीय उपाध्यक्षपदी निवड करण्यात आली आहे. याबाबत त्यांनी ट्विट करून माहिती दिली आहे.
‘अखिल भारतीय महापौर परिषदेच्या राष्ट्रीय उपाध्यक्षपदी माझी निवड करण्यात आली असून या निवडीचे पत्र नुकतेच परिषदेकडून प्राप्त झाले आहे. राष्ट्रीय स्तरावरील ही महापौरांची परिषद असून परिषदेचे अध्यक्ष आणि आग्र्याचे महापौर नवीन जैन यांनी निवडीचे पत्र दिले. माझी निवड झाली असली, तरी पुणे शहराला हा बहुमान मिळाला, याचा मनस्वी आनंद आहे. आपल्या कामाची आणि पदाला न्याय देण्याची दखल घेतली जाते. हे माझ्यासारख्या कार्यकर्त्याला समाधान देणारे आहे. हे राष्ट्रीय पातळीवर हे पद म्हणजे केवळ माझाच नाही तर तमाम पुणेकरांचा सन्मान आहे,’ असं मुरलीधर मोहोळ यांनी म्हटलं आहे.
माझी निवड झाली असली, तरी पुणे शहराला हा बहुमान मिळाला, याचा मनस्वी आनंद आहे. आपल्या कामाची आणि पदाला न्याय देण्याची दखल घेतली जाते. हे माझ्यासारख्या कार्यकर्त्याला समाधान देणारे आहे. हे राष्ट्रीय पातळीवर हे पद म्हणजे केवळ माझाच नाही तर तमाम पुणेकरांचा सन्मान आहे.
— Murlidhar Mohol (@mohol_murlidhar) September 5, 2021
यासोबतच, ‘या पदामुळे काम करण्याचा उत्साह तर आणखी वाढेलच, शिवाय जबाबदारीची जाणीवही आणखी घट्ट होत आहे. महापौरपदाची जबाबदारी भारतीय जनता पक्षाने माझ्याकडे दिल्यानंतर पदाला न्याय देण्याचा, झोकून आणि प्रामाणिकपणे काम करण्याचा प्रयत्न केला आहे. आगामी काळातही अशीच वाटचाल सुरु राहील,’ अशी ग्वाही त्यांनी दिली. तसेच, ‘पुणे शहराला कोरोनाच्या संकटातून बाहेर काढण्यासोबतच शहराच्या शाश्वत विकासावर याचा कोणताही परिणाम होऊ दिला नाही. हे शिवधनुष्य आगामी काळातही पेलू. संपूर्ण कारकिर्दीत पुणेकरांची लाभलेली साथ आणि आमच्यावर दाखवलेला विश्वास हाही या टप्प्यातील अत्यंत महत्त्वाचा भाग आहे,’ असं म्हणत पुणेकरांचे देखील मोहोळ यांनी आभार मानले आहेत.
महत्त्वाच्या बातम्या
- ‘करुणा शर्मा यांच्याबाबत मजकूर प्रकाशित केल्यास हायकोर्टाचा अवमान’, धनंजय मुंडेंच्या वकिलाचे माध्यमांना पत्र
- आमच्या दंडाशी बरोबरी करू नका, आमच्याकडे दंड आणि दांडा दोन्हीही असतो- संजय राऊत
- ‘सगळ्याच गोष्टी दीर्घकाळ बंद ठेवायला लागू नये म्हणूनच तर आम्ही…’; उद्धव ठाकरेंनी विरोधकांना सुनावलं
- ‘राज्यपाल हे पॉलिटिकल एजंट, भाजपला हवे तेच ते करतात’, संजय राऊतांची वादग्रस्त टीका
- पंडित नेहरुंशी वैर का?; ‘राऊतांचा सामना’तून रोखठोक सवाल
