जयपूर : एरवी राजकारण्यांना दूषणे देण्यात धन्यता मानली जाते, परंतु काही असेही असतात जे आपल्या कर्तबगारीने कौतुकास पात्र ठरतात. जयपूरच्या महापौरांनीही असाच एक आदर्श ठेवला आहे. जयपूरच्या महापौर डॉ. सौम्या गुर्जर यांनी डिलिव्हरीच्या वेळेपूर्वी काही तासआधीपर्यंत पालिकेचे कामकाज केले, प्रसूतिवेदना सुरू झाल्यानंतर त्यांनी रुग्णालय गाठून एका गोंडस मुलाला जन्म दिला आहे.
कर्म हीच पूजा मानणाऱ्या महापौर सौम्या गुर्जर यांच्यावर सोशल मीडियावर कौतुकाचा वर्षाव होत आहे. जयपूरच्या महापौरांनी राजकारण्यांसमोर एक आदर्श ठेवल्याचे यानिमित्त बोलले जात आहे. जयपूर महानगरपालिकेच्या महापौर डॉ. सौम्या गुर्जर गुरुवारी प्रसूतीपूर्वी काही तासांपर्यंत काम करत होत्या. गुरुवारी पहाटे 5.14 वाजता मुलाला जन्म देण्यापूर्वी त्यांनी बुधवारी रात्री उशिरापर्यंत काम केले.
Work is Worship!
देर रात तक निगम ऑफिस में मीटिंग ली, प्रसव पीड़ा शुरू होने पर रात्रि 12:30 बजे कुकुन हॉस्पिटल में भर्ती हुई और सुबह 5.14 पर परमपिता परमेश्वर की कृपा से पुत्र को जन्म दिया।
मैं और बच्चा दोनों स्वस्थ हैं। pic.twitter.com/nMULHwNGWn— Dr Somya Gurjar (@drsomyagurjar) February 11, 2021
गुरुवारी सकाळी एका ट्विटमध्ये स्वत: सौम्या म्हणाल्या, “कर्म ही पूजा! रात्री उशिरापर्यंत कार्यालयात बैठक घेतली. प्रसूतिवेदना सुरू झाल्यावर रात्री साडेबारा वाजता कुकून हॉस्पिटलमध्ये दाखल झाले. पहाटे 5.14 वाजता देवाच्या कृपेने मुलाला जन्म दिला. मी आणि बाळ दोघे चांगले आहेत.” डॉ. सौम्या यांच्या पोस्टवर आतापर्यंत 10 हजारांहून अधिक लाईक्स आणि कॉमेंट्स आल्या आहेत. नेटकऱ्यांनी त्यांच्यावर कौतुकाचा वर्षाव केला आहे.
महत्वाच्या बातम्या
- पक्षात माझा जीव गुदमरतोय म्हणत ममतांच्या खासदाराचा राजीनामा, तृणमूलला गळती सुरूच
- 100 हून जास्त खेळाडू राज्य सरकारला परत करणार ‘शिवछत्रपती क्रीडा पुरस्कार’
- निवडणूक आली अन् ‘या’ भाजपशासित राज्यात सरकारने पेट्रोल-दारू स्वस्त केली!
- केंद्राच्या जल योजनेत औरंगाबादचा समावेश कधी? – खा. इम्तियाज जलील
- जालना: ओपीडी सुरू, मात्र जिल्हा रुग्णालयाकडून ना प्रसिद्धिपत्रक, ना आवाहन; रुग्णांना मनस्ताप
