बारामतीत अजित पवारांच्या निवास्थाना बाहेर मराठा समाजाचे ‘ढोल बजाओ’ आंदोलन

🕒 1 min read

बारामती : मराठा आरक्षणाला स्थगिती मिळाल्यानंतर मराठा समाज कमालीचा आक्रमक झाले आहेत. राज्यभरात आंदोलनाचा वणवा पेटला आहे. काही ठिकाणी जोरदार आंदोलन सुद्धा केले संगमनेरमध्ये रास्ता रोको आंदोलन तर सोलापूर मध्ये शालेय मुलांकडून दंडवत घालून आंदोलन करण्यात आले.

मराठा समाजानंतर आता धनगर समाज देखील आरक्षणाच्या मागणीसाठी रस्त्यावर उतरला आहे. धनगर समाजाला वेगळे आरक्षण देण्यात यावे आणि आदिवासी समाजाच्या सवलती तातडीने लागू कराव्यात, अशी धनगर समाजाची मागणी आहे. या मागणीसाठी काल पंढरपुरात भाजप आमदार गोपीचंद पडळकर यांच्या नेतृत्वाखाली ‘ढोल बजाव, सरकार जगाव’ हे आंदोलन करण्यात आले. यावेळी ढोल वाजवून जर सरकारला जाग आली नाही, तर राष्ट्रवादीचे अध्यक्ष शरद पवार यांच्या सिल्व्हर ओक आणि मुख्यमंत्री उद्धव ठाकरे यांच्या मातोश्री निवासस्थानासमोर आंदोलन करणार, असा इशारा आमदार गोपीचंद पडळकर यांनी दिला होता.

याचदरम्यान आता मराठा समाजाच्या आरक्षणाबाबत सरकारने ठोस निर्णय घ्यावा या मागणीसाठी मराठा क्रांती मोर्चाच्या वतीने आज बारामतीत उपमुख्यमंत्री अजित पवार यांच्या निवासस्थानासमोर ‘ढोल बजाव’ आंदोलन करण्यात आले. कोर्ट कॉर्नरपासून पदयात्रेने या आंदोलनाला सुरुवात झाली.

महत्वाच्या बातम्या :-

• अहमदनगरमध्ये रुग्णांना बेड मिळेना; जिल्ह्यात कोरोना बाधित रुग्णांची संख्या 40 हजारांवर
• प्रसिद्ध कीर्तनकार रामदास महाराज कैकाडी यांच्या निधनाने नगरवर शोककळा
• अंतिम वर्षाच्या परीक्षेसाठी प्रशांत गडाख यांच्या प्रयत्नाने नेवासा तालुक्यासाठी दोन केंद्र
• नगरमध्ये डाव्या पक्षांच्यावतीने शेतकरी व कामगार विरोधी विधेयकाचा निषेध
• मोदींनी भेट नाकारल्याचा उल्लेख म्हणजे केवळ राजकारण: खा. संभाजीराजे