औरंगाबाद : औरंगाबाद जिल्ह्याचे खासदार इम्तियाज जलील यांनी शिवजयंती महोत्सव समितीचा अध्यक्ष होण्याची इच्छा व्यक्त केलीय. औरंगाबाद जिल्हा शिवजयंती उत्सव समिती कार्यालयाच्या उद्घाटन प्रसंगी ते बोलत होते.
शिवजयंती उत्सव समितीच्या कार्यालयाचे उद्घाटन रोहयो मंत्री संदीपान भुमरे यांच्या हस्ते झाले. या वेळी बोलताना खासदार जलील यांनी उत्सव समितीचे संस्थापक अध्यक्ष पृथ्वीराज पवार यांच्याकडे ही मागणी केली आहे. औरंगाबाद शहरात सर्व जाती-धर्माचे लोक एकत्र राहतात. त्यांच्याच सलोखा असल्याचे दिसून येते. आपण अनेक वर्षांपासून शिवजयंती उत्सहात साजरी करतो. त्यामुळे आगामी काळात मलाही शिवजयंती उत्सव समितीचा अध्यक्ष करा अशी मागणी खासदार जलील यांनी केली.
औरंगाबाद जिल्हा सर्व समाज घटकांना एकत्र करणारा जिल्हा असल्याचं मतही जलील यांनी या वेळी बोलताना व्यक्त केलं. उत्सव समितीच्या वतीने कार्यालयाच्या उद्घाटनासाठी वैद्यकीय शिक्षण मंत्री अमित देशमुख यांना निमंत्रण देण्यात आले होते. मात्र, ऐनवेळी भुमरे यांच्या हस्ते कार्यालयाचे उद्घाटन करण्यात आले.
महत्त्वाच्या बातम्या
- ToolKit प्रकरणातील निकिता जेकब आणि शांतनु कोण? काय होता त्यांचा प्लॅन? जाणून घ्या…
- कोरोना योद्ध्यांचा सन्मान फक्त दिखाव्यासाठी ! प्रत्यक्षात मात्र उपेक्षाच
- चांगलं काम करणाऱ्या अधिकाऱ्यांना त्रास देऊ नका, गडकरींनी टोचले स्वपक्षातील लोकप्रतिनिधींचे कान
- ग्रेटा थनबर्ग टूलकिट प्रकरणात दिशानंतर आता निकिता जेकब विरोधात अटक वॉरंट
- पूजा चव्हाण प्रकरणी आवाज उठवणाऱ्या ‘या’ भाजप आमदाराला येताहेत धमकीचे फोन
