प्रेमा तुझा रंग कसा? पत्नीच्या निधनानंतर जालन्यात वृद्ध पतीची आत्महत्या

🕒 1 min read

जालना : आजच्या तरुणाईला वाटते की ते प्रेमात काहीही करू शकतात. त्यांच्याइतके प्रेम ना कोणी केले, ना कोणी करणार. प्रेम ही फक्त तरुणाईच करू शकते असा अनेकांचा समज आहे. पण तो समज जालन्यातील एका वृद्ध पतीने खोटा ठरविला आहे. अंबड तालुक्यातील लखमापुरी येथे पत्नीच्या निधनानंतर पतीने स्वतःला पेटवून आत्महत्या केल्याची घटना घटली आहे. पांडुरंग भापकर (वय ७९) असे मृत पतीचे नाव आहे.

लखमापुरी येथील पांडुरंग भापकर यांची पत्नी आसराबाई पांडुरंग भापकर यांचे १० मार्च रोजी अल्पशा अजाराने निधन झाले. या घटनेनंतर पांडुरंग भापकर यांचा धक्का बसला. रविवारी (दि.१४) सायंकाळी पांडुरंग भापकर हे स्वतःच्या शेतात गेले. शेतातील तुरीच्या खोडक्यावर जाऊन त्यांनी स्वतःला पेटवून घेतले. यात ते शंभर टक्के जळाल्याने त्यांचा जागीच मृत्यू झाला.

लखमापुरीचे पोलीस पाटील संतोष वखरे यांनी घटनेची माहिती पोलिस निरीक्षक शितलकुमार बल्लाळ यांना दिली. त्यानंतर घटनास्थळी गोंदी पोलिसांनी भेट देऊन घटनेचा पंचनामा केला. या प्रकरणी पोलीस ठाण्यात नोंद करण्यात आली आहे. दरम्यान, या घटनेमुळे परिसरात हळहळ व्यक्त होत आहे.

महत्वाच्या बातम्या 

• प्रेमाचा करुण अंत! रेल्वेखाली उडी घेऊन युवक-युवतीची आत्महत्या
• राष्ट्रवादीचे बॅनर, ‘सब जगह से पड रही है मार, धन्यवाद मोदी सरकार!’
• दडपशाही! शरद पवारांच्या बारामतीला निघण्यापूर्वीच साष्टपिंपळगावच्या आंदोलकांना अटक
• प्रवीण अमरे यांना दिल्ली कॅपिटलमध्ये मिळाली ‘ही’ जबाबदारी
• प्रथमेश माने बनला ‘महाराष्ट्रज बेस्ट डान्सर’; प्रेक्षकांचे मानले आभार