पटना : बिहारचे माजी मुख्यमंत्री आणि चारा घोटाळ्यात आरोपी असलेले लालूप्रसाद यादव सध्या रिम्स रुग्णालयात उपचार घेत आहेत. त्यांची प्रकृती ढासळत असल्याने त्यांना दिल्लीतील एम्स रुग्णालयात दाखल करण्याची तयारी करण्यात येत आहे.
लालूप्रसाद यादव यांना दिल्लीतील एम्स रुग्णालयात दाखल करण्याचा सल्ला डॉक्टरांनी परिवाराला दिला आहे. लालूप्रसाद यांना निमोनिया झाला असून त्यांच्या फुफ्फुसात पाणी साचले आहे. त्यामुळे त्यांच्या चेहऱ्यावर सूज आली आहे आणि त्यांना श्वास घेण्यास त्रास होत असल्याचे तेजस्वी यादव यांनी सांगितले.
पुढे बोलताना लालूप्रसाद यादव यांची एक किडनीही निकामी झाली असून, प्रकृती चिंताजनक आहे, अशी माहिती तेजस्वी यादव यांनी वडिलांची भेट घेतल्यानंतर माध्यमांना दिली.
डॉक्टरांच्या पथकाकडून लालूप्रसाद यांच्या प्रकृतीचा अहवाल आल्यावर तुरुंग प्रशासन कनिष्ठ न्यायालयाकडून त्यांना एम्स रुग्णालयात दाखल करण्याची परवानगी घेणार आहे. परवानगी मिळाल्यानंतर शनिवारीच त्यांना एम्स रुग्णालयात दाखल करण्यात येणार आहे.
महत्वाच्या बातम्या
- पवार साहेब वशिला लावून तुमच्यासाठी एक डोस बाजूला काढू शकतात पण… अजितदादांना राणेंचा टोला
- राज्यात आज २१ हजार ६१० कर्मचाऱ्यांना कोरोना लसीकरण पूर्ण
- महिलांनी ठरवले तर कोणत्याही लाटेत यश मिळतेच – बाळासाहेब थोरात
- राष्ट्रद्रोह करणाऱ्या अर्नब गोस्वामीला तात्काळ अटक करा- कॉंग्रेस
- ठाकरे सरकारने मराठवाडा आणि विदर्भातील शेतकऱ्यांना वेडयात काढले?
