महिलांनी ठरवले तर कोणत्याही लाटेत यश मिळतेच – बाळासाहेब थोरात

मुंबई : महाराष्ट्र प्रदेश महिला काँग्रेसच्या नवनियुक्त अध्यक्ष संध्या सव्वालाखे यांचा पदग्रहण सोहळा कॉंग्रेसचे प्रदेशाध्यक्ष आणि राज्याचे महसूलमंत्री बाळासाहेब थोरात यांच्या प्रमुख उपस्थितीत यशवंतराव चव्हाण प्रतिष्ठान येथे दिमाखात पार पडला. काँग्रेस पक्षाने नेहमीच महिलांना न्याय देण्याचे काम केले आहे. महिलांना स्थानिक स्वराज्य संस्थामध्ये ५० टक्के आरक्षण देण्याचा ऐतिहासिक निर्णय हा काँग्रेसने घेतला. महिला संघटन मजबूत करा, महिलांनी ठरवले तर कोणत्याही लाटेत यश नक्की मिळेल. संध्याताई यांनी जीवनात मोठा संघर्ष केलेला आहे, ज्यांनी जीवनात एवढा संघर्ष केला त्या कुठेच कमी पडत नाहीत. गाव तिथं काँग्रेस हा उपक्रम चारुलता टोकस यांनी सुरु केला होता तसाच मोहल्ला तेथे काँग्रेस करा आणि महिला संघटन मजबूत करा, असे आवाहन बाळासाहेब थोरात यांनी केले.

यशवंतराव चव्हाण प्रतिष्ठान येथील कार्यक्रमाला बाळासाहेब थोरात, ऊर्जा मंत्री डॉ. नितीन राऊत, महिला व बाल कल्याण मंत्री यशोमती ठाकूर, शिक्षण मंत्री वर्षा गायकवाड, वस्त्रोद्योगमंत्री अस्लम शेख, मुंबई काँग्रेसचे अध्यक्ष भाई जगताप, आदी पदाधिकारी तसेच शेकडो महिला उपस्थित होत्या.

यावेळी बोलताना संध्या सव्वालाखे म्हणाल्या, काँग्रेस पक्षात काम करणाऱ्या कार्यकर्त्याची योग्य ती दखल घेतली जाते. सातत्याने काम करत रहा काँग्रेसमध्ये न्याय मिळतो असा हा पक्ष आहे. जिल्हा परिषदेच्या माध्यमातून काम करणाऱ्या सामान्य गृहिणीला पक्षाने नेहमी जबाबदारी दिली त्याला न्याय देण्याचा प्रयत्न केला. पक्षाने माझ्यावर आताही जी जबाबदारी दिली आहे त्याला न्याय देण्याचा प्रयत्न करेन आणि विश्वासाला तडा जाऊ देणार नाही. राज्यात महिलांचे संघटन मजबूत करून दिल्लीपर्यंत राज्याचे नाव उज्ज्वल करेन असे त्या म्हणाल्या.

केंद्र सरकारने लादलेल्या काळ्या कायद्याची वस्तुस्थिती दाखवणारे, ‘शेतकऱ्यांना उद्धवस्त करणारे तीन काळे कायदे’ या पुस्तकाचे प्रकाशन प्रदेशाध्यक्ष बाळासाहेब थोरात, सुश्मिता देव आणि ममता भुपेश यांच्या हस्ते यावेळी करण्यात आले.कृषी कायद्यावरून भाजपा, पंतप्रधान मोदी यांच्यासह अनेक मंत्री, नेते, पदाधिकारी हे जनतेची दिशाभूल करण्याचे काम करत आहेत. परंतु हे कायदे शेतकऱ्यांच्या हिताचे नसून मोजक्याच धनदांडग्या उद्योगपतींच्या हिताचे असून शेतकरी मात्र देशोधडीला लागणार आहे ही काळी बाजू मांडणारी माहिती या पुस्तकात देण्यात आली आहे.

महत्वाच्या बातम्या 

• आज शिवसेनाप्रमुख बाळासाहेब ठाकरेंची जयंती, राज आणि उद्धव ठाकरे येणार एकाच मंचावर !
• नेताजींच्या जयंती निमित्त पंतप्रधान मोदींची आदरांजली !
• मुंबई लोकलमध्ये जागा मिळवणे कठीण की ऑस्ट्रेलियन वेगवान गोलंदाजांचा सामना करणे? शार्दुल म्हणाला.
• ‘…तर आज मी दुसरा सचिन तेंडुलकर असतो’
• ‘ब्राझीलसाठी भारत ठरला ‘नवसंजीवनी’ देणारा ‘हनुमान’ !’