बडे दिल वाला! गंभीर आजाराशी लढा देणाऱ्या नवोदित खेळाडूसाठी केएल राहुल सरसावला

मुंबई: भारतीय क्रिकेट संघाचा स्टार खेळाडू के एल राहुलचे सध्या एका चांगल्या कामासाठी कौतुक केले जात आहे. के एल याने तातडीच्या बोन मॅरो ट्रान्सप्लांटची (बीएमटी) गरज असलेल्या ११ वर्षीय नवोदित क्रिकेटपटूच्या मदतीला धावून आल आहे. त्याने दुर्मिळ रक्त विकाराच्या उपचारासाठी ३१ लाख रुपयांची मदत केली आहे

वरद नलावडे अशा या नवोदित क्रिकेटपटूंचे नाव आहे. डिसेंबरमध्ये, वरद नलावडेचे वडील सचिन जे एक विमा एजंट आहेत आणि आई स्वप्ना झा यांनी त्यांच्या मुलाच्या उपचारासाठी आवश्यक असलेले ३५ लाख रुपये उभे करण्याची मोहीम सुरू केली. वरदची माहिती मिळताच राहुलच्या टीमने मोहिमेशी संबंधित संस्थेशी संपर्क साधला.गेल्या सप्टेंबरपासून, पाचवीत शिकणाऱ्या वरदचे ऍप्लास्टिक अॅनिमिया या दुर्मिळ रक्त विकाराचे निदान झाल्यानंतर तो मुंबईच्या जसलोक रुग्णालयात हेमॅटोलॉजिस्टच्या देखरेखीखाली होता. वरदच्या रक्तातील प्लेटलेटची पातळी खूपच कमी होती, ज्यामुळे त्याची रोगप्रतिकारक शक्ती संक्रमणास अत्यंत संवेदनशील बनली. सामान्य तापही बरा व्हायला काही महिने लागत होते. वरदच्या आजारावर बीएमटी (बोन मॅरो ट्रान्सप्लांट) हा एकमेव कायमस्वरूपी इलाज होता.

वरदला मदत केल्यानंतर के एल राहुलने प्रतिक्रिया दिली आहे. तो म्हणाला “जेव्हा मला वरदच्या प्रकृतीबद्दल कळले तेव्हा माझ्या टीमने गिव्ह इंडियाशी (मदत करणारी संस्था) संपर्क साधला जेणेकरून आम्ही त्याला कोणत्याही प्रकारे मदत करू शकू. वरदची शस्त्रक्रिया यशस्वी झाली याचा मला आनंद आहे, आणि तो आता बरा आहे. मला आशा आहे की वरद लवकरात लवकर त्याच्या पायावर उभा राहील आणि त्याची स्वप्ने पूर्ण करेल. मला आशा आहे की माझे योगदान अधिकाधिक लोकांना पुढे येण्यासाठी आणि गरजुंना मदत करण्यासाठी प्रेरित करेल.”

महत्वाच्या बातम्या 

• राष्ट्रवादीच्या खासदार सुप्रिया सुळे यांना सातव्यांदा संसद रत्न पुरस्कार जाहीर
• राजकारणातील दुर्मिळ चित्र! युपीतल्या रणधुमाळीत प्रियंका गांधी आणि भाजप समर्थक एकत्र
• ‘परवा मला एका भिकाऱ्याने नरेंद्र मोदींचा राजीनामा मागितला’ – नाना पटोले
• दिशा सालियनच्या मृत्यूबाबत सात मार्चनंतर सत्य बाहेर येईल – चंद्रकांत पाटील
• “मुख्यमंत्री घरातल्या घरात गारठले”; अतुल भातखळकर यांची खोचक टीका