पालघर : अभिनेता शाहरुख खानचा मुलगा आर्यन खान याला एनसीबीने अटक केल्यानंतर त्याच्यासोबत सेल्फी काढल्यामुळे किरण गोसावी हा चर्चेत आला होता. किरण गोसावी हा एनसीबीचा साक्षीदार आहे. परंतू या किरण गोसावीवर आता फसवणुकीचा गुन्हा दाखल झाला आहे. पालघरमधील दोन तरुणांना परदेशात नोकरी लावून देतो असे सांगून त्याने लाखो रुपयांचा गंडा घातल्याची तक्रार केळवे सागरी पोलीस ठाण्यात दाखल करण्यात आली आहे.
दोन वर्षापूर्वी पालघर जिल्ह्यातील उत्कर्ष तरे आणि आदर्श तरे या दोन तरुणांना किरण गोसावीने मलेशियात नोकरी लावून देतो असे सांगून दीड लाख रुपयांना गंडा घातला. त्यानंतर तो फरार झाला आणि थेट आर्यन खान सोबतच्या सेल्फीमध्ये दिसून आला असे या तरुणांनी म्हंटले आहे.
नवी मुंबई येथील कार्यालयातून तो हे रॅकेट चालवतो. या तरुणांनी त्याच्या बँक खात्यात पैसे जमा केल्यानंतर त्याने दोघांनाही विमानाचे तिकिट आणि व्हिसा दिला. हे तरुण कोचीन विमानतळावर पोहचल्यानंतर तिकिट व व्हिसा बनावट असल्याचे उघड झाले. त्यानंतर या तरुणांनी पालघर जिल्ह्यातील केळवा पोलीस ठाण्यात तक्रार दाखल केली होती मात्र पोलिसांनी ती दाखल करुन घेतली नाही. आता किरण गोसावीचे कारनामे समोर आल्यानंतर पोलिसांनी त्याच्याविरोधात गुन्हा दाखल केला आहे.
महत्वाच्या बातम्या
- कमी प्रतिच्या गांजामुळेच विरोधकांची बेताल बडबड – संजय राऊत
- ‘ठाकरे-पवार सरकार म्हणजे ‘अलीबाबा चाळीस चोरा’चे घोटाळेबाज सरकार’, किरीट सोमय्यांचे टीकास्त्र
- ‘ज्या पवारांच्या तोंडाला काळं फासण्याची भाषा करत होते आज त्यांच्याच कौतुकाचा तुणतुणा वाजवण्याची वेळ शिवसेनेवर आली आहे
- जातीयवादी टिप्पणी प्रकरणी युवराज सिंगला अटक आणि जामीनही…
- ‘पडद्यामागची वसुली चव्हाट्यावर आणली म्हणून इतका थयथयाट बरा नव्हे’, केशव उपाध्येंचा प्रतिटोला
