मी नेमकी कितवी पत्नी आहे हे सत्य लोकांसमोर येवू नये म्हणून माझ्यावर बंधने आणली गेली – करुणा मुंडे

🕒 1 min read

मुंबई – सामाजिक न्यायमंत्री धनंजय मुंडे यांच्या पत्नी सामाजिक कार्यकर्त्या करुणा मुंडे यांनी नुकताच फेसबुकद्वारे जनतेशी संवाद साधला. यावेळी त्यांना ट्रोल करणाऱ्यांचा समाचार घेतला. न्यायालयातून माझे तोंड बंद करण्यात आले आहे. मी नेमकी कितवी पत्नी आहे हे सत्य लोकांसमोर येवू नये म्हणून माझ्यावर बंधने आणली गेली आहेत असा आरोप त्यांनी केला.

त्या म्हणाल्या, करुणा मुंडे ही धनंजय मुंडे यांची कितवी पत्नी आहे हे विचारणाऱ्या लोकांना त्यांनी आवाहन केले की माझ्यावर कोर्टाचे असणारे निर्बंध हटवण्यास मुंडे यांना सांगा. ट्रोल करणाऱ्या लोकांना ५-६ बायका असणारा व्यक्ती देवता वाटतो मात्र २५ वर्षांपासून एकनिष्ठ असणारी स्त्री जर वेश्या वाटत असेल तर तो तुमच्या दृष्टीचा दोष आहे हा माझा दोष नाही. तुमच्यामध्ये खरच हिम्मत असेल तर तुम्ही त्या व्यक्तीला सांगा की माझ्यावरील बोलण्याचे निर्बंध हटवा म्हणून.जर हे निर्बंध हटवले तर मी मीडियासमोर जाऊन सत्य सांगेन.

धनंजय मुंडे हे माझे पती आहेत आणि ही वस्तुस्थिती संपूर्ण महाराष्ट्राला माहित आहे. त्यांनी स्वतः याची कबुली दिली आहे. ज्या पद्धतीने इतरांच्या बायका त्यांच्या नवऱ्याचा पैसा खर्च करतात तसा मी सुद्धा करत असते. मी माझ्या पतीच्या पैशातूनच समाजसेवा करत असते हे जगजाहीर आहे असे सामाजिक कार्यकर्त्या करुणा मुडे यांनी म्हटले आहे.कोणत्याही महिलेला ललकारू नका.लवकरच पुन्हा लाईव्ह येवून ट्रोल करणाऱ्या लोकांच्या सर्व प्रश्नांची उत्तरे देईन असे त्यांनी खडसावले.

महत्वाच्या बातम्या 

• ‘धनंजय मुंडे हे माझे पती आहेत आणि मी माझ्या पतीच्या पैशातूनच समाजसेवा करत असते’
• श्रीलंका दौऱ्यासाठी निवड न झाल्याने निराश खेळाडूची भावनिक पोस्ट
• ‘सीएसकेचा सदस्य होणे ही सकारात्मक बाब’, श्रीलंका दौऱ्यावर निवड झालेल्या ‘या’ खेळाडुने मांडले मत
• ‘साराने माझ्याकडे हात जोडून काम मागितलं’, रोहित शेट्टीचा खुलासा
• डब्ल्यूटीसीच्या अंतिम सामन्यापूर्वी कोहली-रहाणे यांच्यात रंगले ‘युद्ध’