T20 World Cup | जोस बटलर आणि ॲलेक्स हिल्स यांनी रचला टी 20 विश्वचषकात ‘हा’ विश्वविक्रम

🕒 1 min read

टीम महाराष्ट्र देशा: काल टी 20 विश्वचषक (T20 World Cup) स्पर्धेमधील दुसरा उपांत्य फेरी सामना भारत (India) आणि इंग्लंड (England) या संघामध्ये ॲडलेड येथे पार पडला. या सामन्यामध्ये नाणेफेक जिंकत प्रथम गोलंदाजीचा निर्णय घेत इंग्लंड संघाने हा सामना आपल्या नावावर केला. हा सामना जिंकल्यानंतर इंग्लंड संघाला टी 20 विश्वचषक स्पर्धेच्या अंतिम स्पर्धेमध्ये स्थान मिळाले आहे. या सामन्यांमध्ये इंग्लंडने भारतावर 10 गडी राखून दणदणीत विजय मिळवला आहे. तर, प्रथम फलंदाजी करत भारतीय संघाने इंग्लंड संघाला 169 धावांचे लक्ष दिले होते. हे लक्ष इंग्लंड संघाने अवघ्या 16 शंटकांमध्ये पूर्ण केले. त्याचबरोबर इंग्लंड संघाचे सलामीवीर जोस बटलर (Jos Buttler) आणि अलेक्स हेल्स (Alex Hales) या जोडीने हे लक्ष पूर्ण करत त्यांच्या नावावर एक नव्या विश्वविक्रमाची नोंद केली आहे.

काल मिळालेल्या विजयामध्ये इंग्लंड संघाचे सलामीवीर जोस बटलर आणि ॲलेक्स हेल्स यांचा महत्त्वाचा वाटा होता. या दोघांनी एकही विकेट न जाऊ देता संघाला लक्षापर्यंत पोहोचवले. यामध्ये जोस बटलर याने 80 नाबाद धावा केल्या, तर अलेक्स हिल्सने 68 नाबाद धावांची खेळी खेळली. दोन्ही फलंदाजामध्ये पहिल्या विकेटसाठी नाबाद 170 धावांची भागीदारी झाली. त्याचबरोबर या भागीदारीच्या जोरावर बटलर आणि हिल्स यांनी टी 20 विश्वचषकात नवीन विश्वविक्रम केला.

जोस बटलर आणि ॲलेक्स हेल्स यांची झालेली ही भागीदारी टी 20 विश्वचषकाच्या इतिहासातील सर्वात मोठी भागीदारी ठरली आहे. या दोघांनी दक्षिण आफ्रिकेच्या क्विंटन डीकॉक आणि रिले रुसो यांच्या नावावरील हा विक्रम आपल्या नावावर केला आहे. क्विंटन डीकॉक आणि रिले रुसो यांनी  बांगलादेश विरुद्धच्या सामन्यांमध्ये 168 धावांची भागीदारी केली होती. कालच्या सामान्यानंतर जोस बटलर आणि अलेक्स हिल्सने हा विश्वविक्रम आपल्या नावावर केला आहे.

दरम्यान, काल झालेल्या उपांत्य फेरीमध्ये इंग्लंड संघाने भारतीय संघावर 10 धावांनी विजय मिळवून अंतिम फेरीमध्ये स्थान मिळवले आहे. 13 नोव्हेंबर रोजी मेलबर्न येथे पाकिस्तान आणि इंग्लंड यांच्यामध्ये टी 20 विश्वचषक सामन्यातील अंतिम सामना पार पडणार आहे.

महत्वाच्या बातम्या 

• Uddhav Thackeray | उद्धव ठाकरे आणि प्रकाश आंबेडकर पहिल्यांदाच एकाच मंचावर; वंचित आणि ठाकरे गटाची युती होणार?
• Maharashtra Weather Update | राज्यात पहाटे थंडी तर दुपारी उन्हाचा चटका, तर देशात ‘या’ ठिकाणी पावसाचा अंदाज
• Ajit Pawar | अजित पवार पुणे जिल्ह्याच्या दौऱ्यावर, सत्तारांच्या वक्तव्यावर बाळगलं होतं मौन
• MNS | “राजकारणातील अलका कुबल यांना…”; मनसेच्या ‘या’ नेत्याचा सुषमा अंधारेंना टोला
• Bhaskar Jadhav । “गुलाबराव पाटील आणि सत्तारांना वाण नाही, पण गुण लागलाय”; भास्कर जाधवांचा भाजपला टोला