चेन्नई : आयपीएलच्या आगामी पर्वासाठी खेळाडूंचा लिलाव हा आज पार पडत आहे. या बोली प्रक्रियेआधी सर्व फ्रँचायजीने आपल्या ताफ्यातील रिलीज आणि रिटेन खेळाडूंची यादी जाहीर केली आहे. यामध्ये अनेक संघांनी मोठ्या आणि अनुभवी खेळाडूंना रिलीज केलं आहे. यामुळे इतर फ्रँचायजींमध्ये या खेळाडूंना खरेदी करण्यासाठी रस्सीखेच पाहायला मिळत आहे.
खेळाडूंच्या लिलावाला सुरुवात झाली असून ऑस्ट्रेलियाचा धडाकेबाज खेळाडू ग्लेन मैक्सवेल याला विराट कोहलीच्या रॉयल चॅलेंजर्स बेंगलोर या संघाने सर्वात जास्त १४.२५ कोटी रुपयांची बोली लावत खरेदी केलं आहे. यानंतर, दक्षिण आफ्रिकेचा खेळाडू क्रिस मॉरिस याच्यासाठी तब्बल १६.२५ कोटी रुपयांची बोली लावण्यात आली आहे. विशेष म्हणजे केवळ ७५ लाख इतकी बेस प्राईज असलेल्या मॉरिस साठी १६.२५ कोटी मोजण्यात आले आहेत.
Base price – INR 75 Lac
Sold for – INR 16.25 Cr@rajasthanroyals win the bidding war to bring @Tipo_Morris on board. ????????@Vivo_India #IPLAuction pic.twitter.com/m5AMqKE1Dy— IndianPremierLeague (@IPL) February 18, 2021
ऑल राउंडर असलेला क्रिस मॉरिस मागील आयपीएल सत्रांमध्ये देखील महत्वाची खेळी करत असल्याचे दिसून आले होते. त्यामुळे यंदाच्या १४ व्या हंगामात त्याला कोणता संघ घेणार याची चांगलीच उत्सुकता लागली होती. मॉरिस साठी सुरुवातीला मुंबई इंडियन्स आणि आरसीबी यांच्यात बोलीची चुरस रंगली होती. मात्र, अखेरीस तब्बल १६.२५ कोटी रुपये मोजत राजस्थान रॉयल्सने आपल्या ताफ्यात जमा केलं आहे. क्रिस मॉरिसचा लिलाव हा सर्वात जास्त शकतो. येत्या आयपीएल सत्रात मॉरिसच्या खेळीकडे सर्व क्रिकेट खेळाडूंचं लक्ष्य असेल यात शंका नाही.
महत्त्वाच्या बातम्या
- केंद्र सरकार विरोधात नागपूरमध्ये काँग्रेसची भव्य पदयात्रा
- हे शिवभक्तांचं सरकार आहे, त्यांनी नको ती नाटकं करू नये – मंत्री सुभाष देसाई
- ‘सरकारच्या आशीर्वादाने पोलीस पूजा चव्हाण केस दाबण्याचा प्रयत्न करत आहेत’
- काँग्रेस पक्षाला झालंय तरी काय, राम कदमांची नाना पटोलेंवर सडकून टीका
- ‘चिनीसैन्य माघार घेत असल्याचा उत्सव म्हणजे राष्ट्रीय सुरक्षेची बनवाबनवीच’
