मुंबई : चेन्नई सुपर किंग्जचा नवा कर्णधार रवींद्र जडेजा महेंद्रसिंह धोनीचा वारसा पुढे नेण्यासाठी सज्ज झाला आहे. त्याची नवीन कर्णधार म्हणून नियुक्ती करण्यात आली आहे. नवीन जबाबदारी मिळाल्यानंतर पहिल्यांदाच प्रतिक्रिया व्यक्त करताना जडेजा म्हणाला, ”माही भाई माझ्यासोबत असल्याने मला काळजी करण्याची गरज नाही.”
चेन्नईने ट्विटरवरील एका व्हिडिओमध्ये जडेजा म्हणाला, “चांगले वाटत आहे, पण माही भाईने आधीच एक मोठा वारसा प्रस्थापित केला आहे जो मला पुढे चालवायचा आहे. जास्त काळजी करण्याची गरज नाही कारण तो (धोनी) इथे आहे. मला काही प्रश्न असतील तर मी त्यांच्याकडे जाऊ शकतो. तो माझा आवडता माणूस होता आणि अजूनही आहे. त्यामुळे काळजी करू नका आणि तुमच्या शुभेच्छांबद्दल धन्यवाद.”
धोनी हा एक दशकाहून अधिक काळ चेन्नई संघाचा कर्णधार होता. अशा स्थितीत त्याच्या या निर्णयाने चाहत्यांची नक्कीच निराशा होईल, पण तो एक खेळाडू म्हणून खेळेल. धोनीला आता मोकळेपणाने खेळण्याची संधी मिळणार आहे. त्याची फलंदाजी पाहण्याचा आनंदही चाहत्यांना घेता येईल.
महत्त्वाच्या बातम्या –
- “तुमचा जो महाराष्ट्रद्रोही आत्मा आहे, तो शांत करा” , राऊतांचा फडणवीसांना सल्ला
- CSK vs KKR : कधी, कुठे, केव्हा पाहता येणार IPL 2022चा पहिला सामना? वाचा एका क्लिकवर!
- यांच्या घरात रोज पेनड्राईव्ह बाळंत होतात का?; राऊतांचा फडणवीसांवर निशाणा
- माढ्यात गाईने दिला एकाच वेळी दोन वासरांना जन्म!
- ‘शरीरात चुकीचं औषध टाकून मला संपवण्याचा होता डाव’, नितेश राणेंचा गंभीर आरोप
