मुंबई: राहुल तेवतिया आयपीएलच्या १५ व्या आवृत्तीत गुजरात टायटन्सकडून खेळताना दिसणार आहे. आयपीएल २०२२ च्या मेगा ऑक्शनमध्ये गुजरात टायटन्सने त्याला ९ कोटी रुपये देऊन संघात समाविष्ट केले. यंदा राहुल तेवतिया, हार्दिक पंड्यासोबत भागीदारी करेल कारण दोघेही मधल्या फळीत खेळतील. याबाबत तेवतियाने उत्सुकता दाखवली आहे.
अष्टपैलू राहुल तेवतियाने (rahul tewtia) गुजरात संघातील आपली भूमिका स्पष्ट करत सांगितले, “भूमिका मधल्या फळीप्रमाणेच राहील. फलंदाजीच्या दृष्टिकोनातून हार्दिक पंड्या (hardik pandya) आणि मी संघात आहोत आणि आम्हाला खूप जबाबदारी घ्यावी लागेल. तसेच आम्हाला मुंबई आणि पुण्यातील खेळपट्ट्यांवर खेळायचे आहे, त्यामुळे आम्हाला आमच्या गोलंदाजीच्या प्लॅनवर चिकटून राहावे लागेल. आम्ही प्रथम फलंदाजी केल्यास, आम्ही शेवटच्या षटकात जलद धावा करण्याचा प्रयत्न करू आणि आम्ही पाठलाग करत असल्यास, आम्ही संघाला लक्ष्य कसे मिळवायचे याची तयारी करण्याचा प्रयत्न करत आहोत.”
आयपीएलमध्ये ६, ७ आणि ८ व्या क्रमांकावरील फलंदाज खूप महत्त्वाची भूमिका असते आणि ते मुख्यत्वे संघात फिनिशरची भूमिका बजावतात. याबाबत राहुल म्हणाला , “सांगितल्याप्रमाणे अष्टपैलूची भूमिका महत्त्वाची असते. ६,७ आणि ८ व्या क्रमांकावर खेळणाऱ्यांची भूमिका खूप महत्त्वाची असते. त्यांच्याकडे कमी वेळ असतो परंतु प्रभाव पाडण्याची अधिक शक्यता असते. ही एक महत्त्वाची भूमिका आहे आणि आम्ही संघाला चांगल्या स्थितीत आणू शकतो.”
महत्वाच्या बातम्या
- ‘द काश्मीर फाईल’ हा चित्रपट राज्यात टॅक्स फ्री?; काय म्हणाले विनायक राऊत
- नाशिकमध्ये चौकीतच पोलिसांची ऑन ड्यूटी दारू पार्टी
- “राज्यपाल राजकारण करत आहेत”- संजय राऊतांचा हल्लाबोल
- मागच्या वर्षी ३७ कारखान्यांना हमी दिली त्याचं काय?; निलेश राणेंचा अजित पवारांना सवाल
- NCAने वाढवल्या हार्दिक पंड्याच्या अडचणी; फिटनेस टेस्टसोबत ‘ही’ अग्नीपरीक्षाही पार करावी लागणार!
