मुंबई : हार्दिक पंड्या आणि कृणाल पंड्या आयपीएल २०२२ पूर्वी मुंबई इंडियन्सकडून एकाच फ्रेंचायझीसाठी खेळायचे. आयपीएल २०२२च्या मेगा लिलावानंतर, दोन्ही भाऊ स्वतंत्र फ्रेंचायझींचा भाग बनले. हार्दिक पंड्याला गुजरात टायटन्सने निवडले आणि त्यांचा कर्णधार बनवले, तर कृणाल पंड्याला लखनऊ सुपरजायंट्सने ८.२५ कोटी रुपयांना विकत घेतले.
आयपीएल २०२२मध्ये गुजरात टायटन्स विरुद्ध लखनऊ सुपर जायंट्स सामना झाला. हार्दिक पंड्याने त्याच्या कोट्यातील चार षटके टाकली, पण कृणालला त्याचा सामना करावा लागला नाही. पण हार्दिकला कृणालसमोर फलंदाजी करावी लागली. टायटन्सचा संघ १५/२ या धावसंख्येवर झुंजत असताना हार्दिक चौथ्या क्रमांकावर फलंदाजीला आला. त्याने मॅथ्यू वेडसह डाव सावरला. ही भागीदारी तोडण्यासाठी केएल राहुलने कृणाल पंड्याकडे चेंडू दिला.
क्रुणालच्या स्पेलच्या दुसऱ्याच षटकात हार्दिकने शानदार चौकार ठोकला. मात्र, क्रुणालने त्याच्या स्पेलच्या तिसऱ्या षटकाच्या पहिल्या चेंडूवर हार्दिकला बाद केले. कृणालने सेलिब्रेशन न करता हार्दिकला निरोप दिला. क्रुणालने चेहऱ्यावर हात ठेवून हलकेच स्मितहास्य केले. स्टेडियममध्ये उपस्थित असलेली हार्दिकची पत्नी नताशा गोंधळलेली दिसली. हार्दिकने २८ चेंडूत पाच चौकार आणि एका षटकाराच्या मदतीने ३३ धावा केल्या.
सामन्यानंतर हार्दिकला याबाबत प्रश्न विचारला असता, तो म्हणाला, की विकेट गमावणे निराशाजनक होते पण नंतर विजय मिळाला, ज्यामुळे दिलासा मिळाला. एका भावाला विकेट मिळाली, तर दुसऱ्याला विजय मिळाला, म्हणून कुटुंबातील प्रत्येकजण आनंदी असेल.
महत्त्वाच्या बातम्या –
- IPL 2022 : अरेच्चा! लखनौच्या ‘बेबी एबी’ ने केलेल्या ‘या’ विक्रमाची त्याला साधी कल्पनाही नव्हती
- “विखेंना भाजपमध्ये मान मिळतो की नाही…” – छगन भुजबळांचा विखेंना टोला
- “…याचे उत्तर ६४० कसं येतं डॉक्टर नितीन राऊत साहेब?”, आधुनिक भास्कराचार्य म्हणत भातखळकरांचा टोला
- ”मला हे सांगायचं नव्हतं..” विवेक अग्निहोत्रींचा वरुण धवन विषयी मोठा खुलासा
- “शरद पवारांनी आयुष्यभर आग लावायचेच काम केले”, सदाभाऊ खोत यांचे खळबळजनक वक्तव्य
