🕒 1 min read
मुंबई : रोहित शर्माचा मुंबई इंडियन्स संघ आज आयपीएल २०२२चा पहिला सामना मुंबईच्या ब्रेबॉर्न मैदानावर खेळत आहे. ऋषभ पंतच्या दिल्ली कॅपिटल्सचे आव्हान मुंबईसमोर आहे. पंतने नाणेफेक जिंकून मुंबईला प्रथम फलंदाचीचे आमंत्रण दिले., सलामीवीर इशान किशनच्या दमदार आणि नाबाद अर्धशतकाच्या जोरावर मुंबईने दिल्लीसमोर २० षटकात १७८ धावांचे आव्हान ठेवले.
मुंबईकडून रोहित शर्मा आणि इशान किशनने चांगली सलामी दिली. या दोघांनी पहिल्या गड्यासाठी ६७ धावा उभारल्या. दिल्लीचा फिरकीपटू कुलदीप यादवने रोहितला रोवमन पॉवेलकरी झेलबाद केले. रोहितने ४ चौकार आणि २ षटकारांसह ४१ धावा केल्या. त्यानंतर आलेला अनमोलप्रीत सिंग (८) जास्त धावा काढू शकला नाही. कुलदीपनेच त्याला बाद केले. तिलक वर्माने ३ चौकारांसह २२ धावा करत इशानला चांगली साथ दिली. पोलार्ड, टीम डेव्हिड मोठी खेळी करू शकले नाहीत, इशानने संघाची एका बाजूने पडझड होताना शेवटपर्यंत फलंदाजी केली. दरम्यान त्याने अर्धशतकही पूर्ण केले. २० षटकात मुंबईने ५ बाद १७७ धावा केल्या. इशानने ४८ चेंडूत ११ चौकार आणि २ षटकारांसह नाबाद ८१ धावा केल्या. दिल्लीकडून कुलदीपने १८ धावांत ३ बळी टिपले, तर खलील अहमदला २ बळी घेता आले.
दोन्ही संघांची प्लेईंग इलेव्हन:
दिल्ली कॅपिटल्स : पृथ्वी शॉ, टिम सेफर्ट, मनदीप सिंग, ऋषभ पंत (यष्टीरक्षक), रोवमन पॉवेल, ललित यादव, अक्षर पटेल, शार्दुल ठाकूर, खलील अहमद, कुलदीप यादव, कमलेश नागरकोटी.
मुंबई इंडियन्स : रोहित शर्मा (कर्णधार), इशान किशन (यष्टीरक्षक), तिलक वर्मा, अनमोलप्रीत सिंग, कायरन पोलार्ड, टीम डेव्हिड, डॅनियल सॅम्स, मुरुगन अश्विन, टायमल मिल्स, जसप्रीत बुमराह, बेसिल थंपी.
महत्त्वाच्या बातम्या –
- “… म्हणून ठाकरे मला पण अटक करा म्हणतायेत”- किरीट सोमय्या
- IPL 2022: ‘धोनी मागच्या वर्षीच कर्णधारपद सोडणार होता’ ; कोच फ्लेमिंग यांचा मोठा खुलासा
- केंद्र सरकारला जागे करण्यासाठी ३१ मार्चपासून काँग्रेसचे महागाईविरोधात राज्यव्यापी आंदोलन- नाना पटोले
- “पवारांच्या हस्ते उदघाटन नको ही लोकभावना”- गोपीचंद पडळकर
- IPL 2022 : काय सुरुवात केलीय..! रोहितनं आपल्या दोस्तालाच ठोकला यावर्षीचा पहिला षटकार; पाहा VIDEO
बातम्यांसाठी YouTube चॅनेल Subscribe करा
Subscribe Now
