🕒 1 min read
मुंबई : आयपीएल २०२२ (IPL 2022)मध्ये केएल राहुलने बुधवारी लीगच्या इतिहासात इतर कोणत्याही फलंदाजाने न केलेला विक्रम रचला. राहुलने कोलकाताविरुद्ध ६८ धावांची खेळी केली. आता राहुलने आयपीएलच्या या मोसमात ५३७ धावा केल्या आहेत. आयपीएलच्या सलग पाच हंगामात ५०० हून अधिक धावा करण्याचा विक्रम त्याने केला आहे. असा विक्रम करणारा केएल राहुल हा आयपीएलमधील पहिला खेळाडू ठरला आहे.
आयपीएल २०२२चा ६६वा सामना कोलकाता नाइट रायडर्स आणि लखनऊ सुपर जायंट्स यांच्यात खेळला गेला. मुंबईच्या डीवाय पाटील स्टेडियमवर झालेल्या सामन्यात लखनऊने कोलकात्याचा २ धावांनी पराभव केला. प्रथम फलंदाजी करताना लखनऊ संघाने २० षटकांत एकही विकेट न गमावता २१० धावा केल्या. यादरम्यान क्विंटन डी कॉकने ७० चेंडूत १४० धावांची नाबाद खेळी केली, तर केएल राहुलनेही ५१ चेंडूत ६८ धावांची नाबाद खेळी खेळली.
Quinton de Kock and KL Rahul smash record after record ????
▶️ https://t.co/6PiVVB7y3T | #IPL2022 pic.twitter.com/EModY7tMvP
— ESPNcricinfo (@ESPNcricinfo) May 19, 2022
केएल राहुलने यापूर्वी आयपीएल २०१८ मध्ये पंजाब किंग्जकडून खेळताना ६५९ धावा केल्या होत्या. त्यानंतर आयपीएल २०१९ मध्येही केएल राहुलने ५९३ धावा केल्या. आयपीएल २०२० संपूर्ण हंगाम यूएईमध्ये खेळला गेला. त्या हंगामात केएल राहुल सर्वाधिक धावा करणारा फलंदाज होता आणि त्याने ६७० धावांसह ऑरेंज कॅपही जिंकली होती. त्याच वेळी, आयपीएल २०२१ मध्ये देखील केएल राहुलने १३ सामने खेळले आणि ६२६ धावा केल्या.
महत्त्वाच्या बातम्या –
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
बातम्यांसाठी YouTube चॅनेल Subscribe करा
Subscribe Now
