मुंबई: भारतीय संघाचा माजी सलामीवीर गौतम गंभीरला IPL 2022 मध्ये लखनऊ सुपर जायंट्स या नवीन फ्रँचायझीचा मार्गदर्शक म्हणून नियुक्त करण्यात आले आहे. ऑक्शन दरम्यान, संघाने खूप चांगली बोली लावली. मात्र त्यांनी संघात आणलेल्या दोन खेळाडूंची जास्त चर्चा होत आहे. यंदाच्या आयपीएलमध्ये बडोदा संघाचे दीपक हुड्डा आणि कृणाल पंड्या लखनऊकडून खेळत आहेत. काही काळापूर्वी दोघेही खूप वादात सापडले होते. हुडाने बडोद्याचा कर्णधार कृणाल पंड्यावरही गैरवर्तन केल्याचा आरोप केला होता.
दीपक हुडा (Deepak hooda) आणि कृणाल पंड्या (krunal pandya) यांना लखनऊ सुपर जायंट्सने विकत घेतले. जेव्हा या दोन खेळाडूंची नावे एकाच संघात दिसली तेव्हा सर्वांनाच आश्चर्याचा धक्का बसला. या दोन्ही खेळाडू अजिबात जुळत नसल्याने दीपकने आपल्या राज्य संघ बडोदामधूनही आपले नाव काढून घेतले होते. अशा स्थितीत दोन्ही खेळाडूंची नावे एकत्र पाहून प्रेक्षक अंदाज लावत आहेत की जर दोघेही प्लेइंग-११ मध्ये एकत्र खेळले तर त्याचा लखनऊच्या खेळावर परिणाम होऊ शकतो. तसेच, हे दोन्ही अष्टपैलू खेळाडू मधल्या फळीत फलंदाजी करतात, त्यामुळे ते आयपीएलमध्ये एकत्र फलंदाजी करताना दिसू शकतात. मात्र, या संपूर्ण प्रकरणावर संघाचा मार्गदर्शक गौतम गंभीरचे (gautam gambhir) काही वेगळेच मत आहे.
गौतम गंभीर म्हणाला, “हे बघा, परफॉर्म करण्यासाठी तुम्हाला मैदानाबाहेर चांगले मित्र असण्याची गरज नाही. ते एक व्यावसायिक क्रिकेटर आहेत आणि त्यांना माहित आहे की काय करायचे आहे. जर तुम्ही एकाच संघात खेळत असाल, तर तुम्हाला दररोज रात्री जेवायला बाहेर जाण्याची गरज नाही. मी ज्या संघात खेळलो त्या प्रत्येक संघातील सर्वांशी मी मैत्रीपूर्ण नाही, पण जेव्हा मी मैदानावर असतो तेव्हा मला माझे सर्वोत्तम देण्यापासून कोणीही रोखत नाही. ते प्रौढ लोक आहेत आणि त्यांना येथे लखनऊला सामने जिंकवायचे हे माहिती आहे.”
महत्वाच्या बातम्या
- शिवरायांनी शत्रूच्या बायका-मुलिंना छळले नाही; जितेंद्र आव्हाडांचा सदाभाऊंवर पलटवार
- रवी शास्त्रींची भविष्यवाणी; सांगितले कोण असेल रोहितनंतर टीम इंडियाचा कॅप्टन!
- लॉकअपमधून पळून जाण्यासाठी आरोपीने लढवली शक्कल; व्हिडिओ व्हायरल
- साध्वी प्रज्ञासिंग, कर्नल पुरोहित यांना तुरुंगात डांबणे हा ईडीचा सदुपयोग होता का?; भातखळकरांचा शरद पवारांना सवाल
- मिस्ट्री बॉयसोबत दिसली किंग खानची मुलगी सुहाना, फोटोग्राफर्सला पाहताच लपवला चेहरा
