दुबई- दुखापतींमुळे अनुभवी फिरकीपटू अमित मिश्रा आणि फास्ट बॉलर भुवनेश्वर कुमार यंदाच्या हंगामातील आयपीएलच्या उर्वरित मॅचेस खेळू शकणार नाही.अमित मिश्रा दिल्ली कॅपिटल्ससाठी खेळतो तर भुवनेश्वर कुमार सनरायझर्स हैदराबादचा भाग आहे.
उत्तम गोलंदाजीचे प्रदर्शन भुवनेश्वर कुमार करत असल्याने संघाला त्याच्याकडून मोठ्या अपेक्षा होत्या. २ ऑक्टोबर रोजी चेन्नई सुपर किंग्सविरुद्ध झालेल्या सामन्यात गोलंदाजी करत असताना भुवनेश्वरला दुखापत झाली होती. पुढे तो सामन्यातून बाहेर पडला होता.
दरम्यान, यानंतर मुंबई इंडियन्सविरुद्धच्या सामन्यावेळी नाणेफेक झाल्यानंतर वॉर्नरने सांगितले होते की,दुखापतीमुळे भुवनेश्वर पुढील १-२ सामने खेळू शकणार नाही.पण माध्यमातील वृत्तांनुसार, भुवनेश्वरची दुखापत जास्तच गंभीर असल्यामुळे तो आयपीएल २०२०मधून बाहेर झाला आहे.
तर दुसऱ्या बाजूला दिल्लीचा अनुभवी फिरकीपटू अमित मिश्रालादेखील दुखापतीमुळे स्पर्धेबाहेर पडावे लागले आहे. अमित मिश्राला बोटाला झालेल्या दुखापतीमुळे आयपीएलच्या या मोसमाला मुकावे लागणार आहे. त्यामुळे दिल्लीसाठी हा मोठा धक्का समजला जात आहे.
महत्वाच्या बातम्या :-
- मराठा युवक प्रचंड अस्वस्थ ; राज्यसेवेच्या परीक्षा पुढे ढकला-पूजा मोरे
- हाथरस प्रकरण : पीडितेच्या कुटुंबियांना भेटायला गेलेल्या ‘आप’च्या खासदारावर फेकली शाई
- ‘ज्या मुलीवर अत्याचार झाले, ती संस्कारित नव्हती का?’ भाजप आमदाराच्या वक्तव्यावर साधला निशाणा
- ‘दानवे किती रस्त्यावर असतात हे सर्वांना माहित आहे’ ; बाळासाहेब थोरातांचं प्रत्युत्तर
- ‘आम्ही आमच्या रक्ताचे दान देतोय, आतातरी आम्हाला आरक्षण द्या’
