धोत्रा-शिवना रस्त्याच्या कामांची चौकशी करून गुन्हे दाखल करा अन्यथा, शिवसेनेने दिला आंदोलनाचा ईशारा!

🕒 1 min read

औरंगाबाद : सिल्लोड-सोयगाव मतदार संघातील निकृष्ट दर्जाची कामे झालेल्या रस्त्यांची चौकशी करून संबंधितांवर तात्काळ गुन्हे दाखल करण्यात यावे याबाबतची मागणी शिवसेना तालुकाप्रमुख देविदास पाटील लोखंडे यांनी सहाय्यक पोलीस निरीक्षक सिल्लोड ग्रामीण व अजिंठा तसेच सार्वजनिक बांधकाम विभागाचे कार्यकारी अभियंता यांच्याकडे निवेदनाद्वारे केली आहे.

सिल्लोड तालुक्यातील मौजे केऱ्हाळा ते पळशी व धोत्रा ते शिवना यासह सिल्लोड सोयगाव मतदारसंघातील विविध गावातील रस्त्यांची कामे शासनामार्फत हाती घेण्यात आले होते. हि कामे करतांना संबंधित गुत्तेदार व अभियंता यांनी संगनमत करून निकृष्ट दर्जाची कामे केली. व शासनाच्या निधीचा अपहार केला असा आरोप देविदास पाटील लोखंडे यांनी दिलेल्या निवेदनात केला आहे.

केऱ्हाळा ते पळशी, धोत्रा ते शिवना रस्त्यासह मतदारसंघात सार्वजनिक बांधकाम विभागामार्फत करण्यात आलेले नवीन रस्ते व पुलांची कामे, दुरुस्तीची कामे याची चौकशी करून निकृष्ट कामे करणाऱ्या गुत्तेदार व अभियंत्यावर शासनाची दिशाभूल करणे, नागरिकांच्या जीविताला धोका निर्माण होईल असे कृत्य करणे व शासनाच्या पैशाचा अपहार करणे याबाबत गुन्हे दाखल करण्यात यावे. अशी मागणी करीत संबंधितावर तात्काळ कारवाई न झाल्यास शिवसेनेच्या वतीने आक्रमक पवित्रा घेण्यात येईल. असा इशारा देविदास पाटील लोखंडे यांनी निवेदनाद्वारे दिला आहे.

महत्त्वाच्या बातम्या

• किरीट सोमय्यांवरील कारवाईवर गृहमंत्र्यांचे स्पष्टीकरण, म्हणाले…
• ‘राज्यात नाटक-सिनेमे बंद त्यामुळे जनता सोमय्या व पाटील यांचे हे फुकटचे मनोरंजन पाहतेय’
• कृषी अधिकारी उपस्थित नसतील तर पंचनामे करू देऊ नका, आ. राजेश पवार यांचे आवाहन
• सोमय्यांना तुमच्या कार्यकर्त्यांनी एक दगड मारला तरी महागात पडेल; चंद्रकांतदादांचा महाविकास आघाडीला इशारा
• विराटच्या ‘त्या’ निर्णयाला  सेहवागचा विरोध; म्हणाला, ‘याला काहीच अर्थ नाही’