उस्मानाबाद : शहरातील मध्यवर्ती प्रशासकीय इमारतीच्या सभागृहात जिल्हा रस्ता सुरक्षा समितीची आढावा बैठक खासदार ओमप्रकाश राजेनिंबाळकर, जिल्हाधिकारी कौस्तुभ दिवेगावकर, नगराध्यक्ष मकरंद राजेनिंबाळकर, पोलिस अधीक्षक निवा जैन यांच्यासह इतर अधिकारी वर्गाच्या उपस्थितीत घेण्यात आली. शहरातील वरूडा रोड ते तुळजापूर नाका ते डी मार्टपर्यंतच्या सर्विस रोडबाबत चर्चा करून या रोडसंदर्भातील अडचणी दूर करून सर्विस रोडचा प्रश्न लवकरात मार्गी लावण्याचे निर्देश खासदार ओमप्रकाश राजेनिंबाळकर यांनी दिले.
शहरालगतच्या रोडवर स्ट्रीट लाईट बसवून हा भाग प्रकाशमय करण्याबाबत निर्देश देण्यात आले. शहरातील वाढत्या वाहतुकीमुळे जिल्हा न्यायालयापासून समर्थ नगरकडे जाणारा मार्ग आणि पोस्ट ऑफिस ते काळा मारुती चौक ते समर्थ चौक या मार्गावरती एकेरी वाहतूक करण्याबाबत सविस्तर चर्चा करून १५ नोव्हेंबरपासून या मार्गावरील वाहतूक एकेरी करण्याचे निर्देश संबंधित विभागाला देण्यात आले. कळंब ते लातूर रस्त्याचे काम विहित मुदतीत पूर्णत्वास नेण्यासाठी संबधित कंत्राटदारास निर्देश देण्यात आले.
सामान्यांकडून होणारे नियमांचे उल्लंघन कमी करण्यासाठी नागरिकांना नियम पाळण्यासंदर्भात मानसिकता तयार करण्यासाठी जनजागृती करावी आणि रस्ते अपघातांचे प्रमाण कमी करण्यासाठी संबंधित विभागांनी एकत्र येऊन रस्त्यावरील ब्लॅक स्पॉट कमी करण्यासाठी आधुनिक तंत्रज्ञानाचा वापर करून उपाय योजना राबविण्याबाबतीत निर्देश देण्यात आले.
महत्वाच्या बातम्या
- ‘अजित पवारांशी संबंधित कोणत्याही संपत्तीवर टाच किंवा त्यासंदर्भातील नोटीसही नाही’
- ३० नोव्हेंबरपर्यंत राज्यात किमान पहिल्या डोसमध्ये १०० टक्के लसीकरण करा- मुख्यमंत्री ठाकरे
- देगलूरचा विजय म्हणजे जनतेचा आघाडीवरील विश्वास- नाना पटोले
- पराभवानंतर सुभाष साबने यांचे मोठे वक्तव्य; म्हणाले…
- एसटी कर्मचाऱ्याच्या आत्महत्येप्रकरणी परिवहनमंत्र्यावर हत्येचा गुन्हा दाखल करा – दिलीप धोत्रे
