IND vs SL: “गर्वाचा क्षण” १०० व्या कसोटी सामन्यावर विराटच्या बालपणीचे कोचचे वक्तव्य

🕒 1 min read

मुंबई: विराट कोहलीच्या १००व्या कसोटी सामन्याच्या निमित्ताने त्याचे बालपणीचे प्रशिक्षक राज कुमार शर्मा यांनी तो दिवस आठवला जेव्हा फलंदाज टीम इंडियासाठी निवडला गेला. “मला अजूनही आठवतो तो दिवस जेव्हा विराट माझ्या पूर्व दिल्ली क्रिकेट अकादमीमध्ये पहिल्यांदा आला होता. तो एक खोडकर मुलगा होता जो खूप उत्साही आणि खेळण्यास उत्सुक होता. त्याला प्रशिक्षक करताना मला जाणवले की त्याच्यात खूप क्षमता आहेत आणि तो वेगळा आहे. मला अजूनही जून २०११ चा दिवस आठवतो जेव्हा त्याने मला फोन करून सांगितले की त्याची भारतीय कसोटी संघासाठी निवड झाली आहे. तो खूप भावनिक क्षण होता आणि आम्ही एकमेकांना मिठी मारली आणि आता शेवटी तो आपला १०० वा कसोटी सामना खेळत आहे.”

राजकुमार शर्मा (rajkumar sharma)  यांच्याकडून विराटची क्रिकेटर (virat kohli) बनण्याची सुरुवात झाली. विराटने अगदी लहान वयापासूनच शर्मा यांच्या अकादमीत प्रॅक्टिस केली आहे. विराटच्या कारकिर्दीतील या मोठ्या दिवसावर राजकुमार शर्मा यांनी भावनिक प्रतिक्रिया दिली आहे. ते म्हणाले “माझ्यासाठी हा खूप अभिमानाचा क्षण आहे कारण माझा एक आवडता विद्यार्थी भारतासाठी १०० वा कसोटी सामना खेळत आहे. त्याच्या आगामी सामन्यांसाठीही मी त्याला शुभेच्छा देतो,” कोहली या वर्षाच्या सुरुवातीला दक्षिण आफ्रिका मालिकेदरम्यान त्याची १०० वी कसोटी खेळणार होता, मात्र आज तो मोहालीच्या मैदानावर भारतीय क्रिकेटरसिकांसमोर हा ऐतिहासिक क्षण जगत आहे.

भारताचा माजी कर्णधार विराट कोहली आता सचिन तेंडुलकर, राहुल द्रविड, व्हीव्हीएस लक्ष्मण, अनिल कुंबळे, कपिल देव, सुनील गावस्कर इत्यादी दिग्गज खेळाडूंच्या यादीत सामील झाला आहे ज्यांनी १०० किंवा त्याहून अधिक कसोटींमध्ये देशाचे प्रतिनिधित्व केले आहे. रोहित शर्माच्या नेतृत्वाखाली कोहली आपला १०० वा कसोटी सामना खेळत आहे. रोहित शर्मा साठी हा त्याचा कसोटी कर्णधार म्हणून पहिलाच सामना आहे. भारताने या सामन्यात नाणेफेक जिंकत प्रथम फलंदाजीचा निर्णय घेतला आहे.

महत्वाच्या बातम्या

• विराट कोहलीला १०० व्या सामन्यासाठी ट्विटरवरून शुभेच्छांचा वर्षाव
• State Budget Session : ‘त्या’ मागणीसाठी भाजपची विधानभवन पायऱ्यांवर स्वाक्षरी मोहीम
• पंजाबच्या गायी देशात आणून हा शेतकरी महिन्याला घेतोय दीड लाखांचे उत्पन्न
• व्हीव्हीएस लक्ष्मणने विराटच्या १००व्या कसोटी सामन्यासाठी जाहीर केली इच्छा म्हणाला…
• OBC Reservation : “…हे चार पक्षच ओबीसी आरक्षणाचे मारेकरी”, प्रकाश आंबेडकरांचा आरोप