औरंगाबाद : गेल्या २८ वर्षांपासून सुरू असलेला शौर्य दिनाचा कार्यक्रम शिवसेनेने रद्द केला आहे. ६ डिसेंबर रोजी बाबरी मशीद पडली होती. या पार्श्वभूमीवर शिवसेनेकडून हा दिवस शौर्य दिन तसेच भगवा दिन म्हणून साजरा केला जात होता. मात्र यंदा महाविकास आघाडीत शिवसेना काँग्रेस आणि राष्ट्रवादी काँग्रेस सोबत सत्तेत असल्यामुळे हा दिन साजरा करण्याच्या २८ वर्षांच्या परंपरेला शिवसेनेकडून खंड पडला आहे. मात्र सुपारी हनुमान मंदिरात आरती करणाऱ्या भाजपला रोखण्यात शिवसेना यशस्वी ठरली.
गेल्या २८ वर्षांपासून शिवसेनेकडून ६ डिसेंबर या दिवशी शहरातील प्रसिद्ध असलेल्या सुपारी हनुमान मंदिरात महाआरती केली जाते. काँग्रेस-राष्ट्रवादी सोबत सत्तेत असलेल्या शिवसेनेने आपली ही परंपरा मोडण्याचे ठरवले. मात्र याच गोष्टीचा फायदा घेत भाजपने यंदा दक्षिण मुखी मारुती मंदिरासमोर आरती करण्याचे नियोजन सुरू केले होते. भाजपने या महाआरतीची घोषणा केली. मात्र पोलिसांनी ५ डिसेंबर पासूनच भाजप पदाधिकाऱ्यांवर पाळत ठेवली.
बरोबर ६ डिसेंबर रोजी आरतीला निघण्यापूर्वी उस्मानपुरा येथे असलेला भाजप कार्यालयातून भाजपचे शहराध्यक्ष संजय केनेकर(Sanjay kenekar) यांना ताब्यात घेण्यात आले. त्यानंतर त्यांना वेदांत नगर पोलिस ठाण्यात स्थानबद्ध करण्यात आले. महाविकास आघाडी सरकार पोलिसांना पुढे करत राज्यातील हिंदूंना अशाप्रकारे दडपण्याचे काम करीत असल्याचा आरोप यावेळी केणेकर यांनी केला. यावेळी भाजप कार्यकर्त्यांनी महाविकास आघाडी सरकारविरोधात जोरदार घोषणाबाजी करत आंदोलन केले.
महत्त्वाच्या बातम्या
- निवडणूक प्रतिज्ञापत्रात गुन्हे लपवल्या प्रकरणी देवेंद्र फडणवीस अडचणीत?
- ओमायक्रॉनच्या पार्श्वभूमीवर आदित्य ठाकरेंचे केंद्र सरकारला पत्र
- दुसऱ्याचे अडीच कोटी भरता, मग तुमची थकबाकी का भरत नाही?- दीपक केसरकर
- ‘राणेंना एवढे महत्त्व कशाला’; पेडणेकरांचा खोचक सवाल
- ‘तोंड दिलं म्हणून काहीही बोलू नका, अजित पवारांना जातीयवादी…’
बातम्यांसाठी YouTube चॅनेल Subscribe करा
Subscribe Now
