बीड : मुंबईतील उपनगर साकीनाका येथे एका टेम्पोत ३२ वर्षीय महिलेवर अत्याचार केल्याची घटना शुक्रवारी समोर आली होती. या संतापजनक घटनेतील पीडितेचा आज उपचारादरम्यान मृत्यू झाला आहे. या घटनेनंतर संतापाची लाट उसळली आहे. आरोपीला फाशीची शिक्षा देण्यात यावी अशी मागणी आता सर्व स्तरातून केली जात आहे.
या घटनेवर मुख्यमंत्री उद्धव ठाकरे यांनी प्रतिक्रिया दिली आहे. ‘साकीनाका परिसरात महिलेवर बलात्कार होऊन तिचा मृत्यू होणं हे माणुसकीला काळिमा फासणारे कृत्य आहे. पीडितेला न्याय मिळवून देण्यासाठी हा खटला फास्ट ट्रॅकवर चालवून गुन्हेगारास कठोरात कठोर शिक्षा केली जाईल’ असे मुख्यमंत्री म्हणाले. तसेच तपासाला गती देण्याचे निर्देश मुख्यमंत्री ठाकरे यांनी दिलेत.
या घटनेने तर आम्हाला निरुत्तर केले आहे. पण गेल्या आठवड्या पासून वारंवार घडलेल्या पुण्यातील दोन अल्पवयीन मुलींवरील बलात्कार तसेच आज अमरावती मध्ये पीडितेने केलेली आत्महत्या या अशा अनेक घडणारे घटना कुठेतरी थांबायला पाहिजेत, पण त्यासाठी बऱ्याच दिवसांपासून रखडलेला #शक्ती_कायदा राज्यात https://t.co/XqCm1UmzeL
— Rekha Phad (@RekhaPhadSpeaks) September 11, 2021
यावर राष्ट्रवादी काँग्रेस पक्षाच्या औरंगाबाद आणि परभणी जिल्हा पक्ष निरीक्षक रेखा फड यांनी आपली भूमिका मांडली आहे. साकीनाका घटनेने तर आम्हाला निरुत्तर केले आहे. पण गेल्या आठवड्या पासून वारंवार घडलेल्या पुण्यातील दोन अल्पवयीन मुलींवरील बलात्कार तसेच आज अमरावती मध्ये पीडितेने केलेली आत्महत्या या अशा अनेक घडणारे घटना कुठेतरी थांबायला पाहिजेत, पण त्यासाठी बऱ्याच दिवसांपासून रखडलेला शक्ती कायदा राज्यात महिलांच्या सुरक्षेसाठी लवकरात-लवकर यावा अशी विनंती रेखा फड यांनी मुख्यमंत्र्यांकडे केली आहे.
दरम्यान, साकीनाका घटना आणि शक्ती कायद्यावरून विरोधक महाविकास आघाडी सरकारला धारेवर धरत आहेत. त्यातच आता राष्ट्रवादीच्या महिला पदाधिकारी या कायद्यासाठी मु्ख्यमंत्र्यांकडे आग्रह धरताना दिसून येत आहे. त्यामुळे ठाकरे सरकारला हा घरचा आहेर मिळालाय अशी टीका विरोधक करत आहेत.
महत्त्वाच्या बातम्या
- ‘दरवेळेस आमच्याकडे बोट दाखवण्यापूर्वी कधी तरी हळहळ व्यक्त करा’, भाजपचा राऊतांवर हल्लाबोल
- ‘फुटकळ गोष्टींवर प्रतिक्रिया देणारे जाणते पवार तूर्तास वामकुक्षी घेतायत का?’
- साकीनाका घटनेची राष्ट्रीय महिला आयोगाकडून दखल, सुमोटो दाखल करत पोलिसांना लिहिले पत्र
- मोठी बातमी! गुजरातचे मुख्यमंत्री विजय रुपाणी यांचा मुख्यमंत्रीपदाचा राजीनामा
- ‘काहीतरी करायचंय म्हणून कार्यालय हलवू नका’, भुजबळांचा मंत्री कराडांना टोला
