मुंबई: एमआयएमने महाविकास आघाडीला आघाडीची ऑफर दिली असल्याने राजकारणात एकाच चर्चा रंगली आहे. यावरून भाजपने शिवसेनेला धारेवर धरले असतानाच आता शिवसेना प्रमुख तथा राज्याचे मुख्यमंत्री उद्धव ठाकरे (Uddhav Thackeray) यांनी यावर प्रतिक्रिया दिली आहे. काही कारण नसताना एमआयएमने महाविकास आघाडीला आघाडीची ऑफर दिली आहे. काही संबंध आहे का? हाच खऱा डाव आहे. असे उद्धव ठाकरे यांनी म्हटले आहे. यावरच आता भाजप नेते अतुल भातखळकर (Atul Bhatkhalkar) यांनी मुख्यमंत्री ठाकरे यांच्यावर निशाणा साधला आहे.
“बोलणं आणि बरळण यातला फरक समजून घ्यायचा असेल तर मुख्यमंत्र्यांचे भाषण जरूर ऐकत जा”, असा खोचक टोला अतुल भातखळकर यांनी ट्वीट करत लगावला आहे. दरम्यान एमआयएमने दिलेल्या ऑफर नंतर राज्यात अनेक राजकीय प्रतिक्रिया उमटत आहेत. तर भाजपने शिवसेनेला हिंदुत्वावरून धारेवर धरले आहे.
बोलणं आणि बरळण यातला फरक समजून घ्यायचा असेल तर मुख्यमंत्र्यांचे भाषण जरूर ऐकत जा…
— Atul Bhatkhalkar (@BhatkhalkarA) March 20, 2022
उद्धव ठाकरे नेमके काय म्हणाले?
काही कारण नसताना एमआयएमने महाविकास आघाडीला आघाडीची ऑफर दिली आहे. काही संबंध आहे का? हाच खऱा डाव आहे. एमआयएने ऑफर द्यायची आणि मग नंतर भाजपाने यावरुन टीकेचा भडीमार सुरु करायचा. औरंगजेबाच्या थडग्यावर डोकी टेकतात त्यांच्यासोबत मेलो तरी जाणार नाही इतकी कडवट निष्ठा असताना उगाच हा मुद्दा काढायचा आणि आम्ही हिंदुत्वापासून दूर चाललो आहोत हे दाखवायचं. आम्ही काय मूर्ख नाही. असा टोला उद्धव ठाकरे (Uddhav Thackeray) यांनी भाजपला लगावला आहे.
शिवसेनेच्या शिवसंपर्क अभियानासाठी उद्धव ठाकरेंनी पक्षाच्या सर्व खासदारांना आणि जिल्हाप्रमुखांना संबोधित करतात याबाबत वक्तव्य केले. राज्यात शिवसेनेच्या संघटनात्मक बांधणीसाठी तसंच राज्यात गेल्या अडीच वर्षात शिवसेनेनं केलेल्या आणि करत असलेल्या विकासात्मक कामांची माहिती सर्वसामान्य जनतेपर्यंत पोहचवण्यासाठी शिवसेनेनं ‘शिवसंपर्क अभियान’ सुरू केले आहे.
महत्वाच्या बातम्या:
- सत्तेसाठी ‘काहीही’ हेच सेनेचे धोरण; केशव उपाध्येंचा टोला
- मुख्यमंत्री योगी आदित्यनाथांनी केले ”द काश्मीर फाइल्स’चे कौतुक, म्हणाले…
- तुकाराम बीजनिमित्त देवेंद्र फडणवीस देहूत तुकोबांच्या चरणी; फोटो व्हायरल
- दुध उत्पादन वाढीसाठी करा ‘या’ चाऱ्याची लागवड
- IPL 2022 : कशी नशिबानं थट्टा मांडली..! ‘स्टार’ खेळाडू बनला गुजरातचा नेट बॉलर; वाचा सविस्तर!
बातम्यांसाठी YouTube चॅनेल Subscribe करा
Subscribe Now
