‘नामांतर करायचे तर लवकर करा, अग्रलेख काय लिहीत बसलात?’

🕒 1 min read

मुबई:- मराठवाड्याची राजधानी अशी ओळख असलेल्या औरंगाबाद शहराचं नामांतर करुन या शहराला संभाजीनगर हे नाव देण्याची शिवसेनेची आग्रही मागणी आहे. मात्र, गेल्या 5 वर्षे शिवसेना सत्तेत असतानाही आणि विशेष म्हणजे गेल्या वर्षभरापासून शिवसेना पक्षप्रमुख हेच राज्याचे मुख्यमंत्री असतानाही औरंगाबादचे संभाजीनगर झाले नाही.

आता याच मुद्यावरून राजकारण रंगताना पाहायला मिळत आहे. काँग्रेस प्रदेशाध्यक्ष आणि महसूलमंत्री बाळासाहेब थोरात यांना प्रश्न विचारण्यात आला होता. त्यावर, बोलताना आमचा त्यास विरोध असल्याचं थोरात यांनी ठामपणे सांगितलं आहे.

आम्हाला सत्तासुद्धा दुय्यम ठरते, राज्यघटनेची शपथ घेऊन आम्ही सत्तेत आलोय. त्यामुळे त्या शपथेची प्रताडना होईल, अशी कुठलीही गोष्ट आम्हाला मान्य होणार नाही. सामाजिक मतभेदाला आमच्याकडे स्थान नाही, असे म्हणत संभाजीनगर या नामांतरणाला आमचा विरोध राहिल, असे बाळासाहेब थोरातांनी ठामपणे सांगितंल आहे.

औरंगाबादच्या नामांतरावरून आता मनसेने शिवसेनेवर जोरदार टीका केली आहे. नामांतर करायचे तर लवकर करा अग्रलेख काय लिहीत बसलात? अशी खोचक टीका संदीप देशपांडेंनी केली आहे. तसेच 26 जानेवारीपर्यंत आम्ही सरकारला डेडलाईन दिली आहे. त्यामुळे सरकारने लवकरात लवकर औरंगाबादचं नाव संभाजीनगर करावे अन्यथा 26 जानेवारीनंतर आम्हाला तीव्र आंदोलन करावे लागेल असेही संदीप देशपांडे म्हणाले आहे.

महत्वाच्या बातम्या

• सकाळी मोफत कोरोना लसीची घोषणा आता केंद्रीय आरोग्य मंत्र्यांची पलटी
• गृहमंत्री अनिल देशमुख यांनी केली येरवडा मध्यवर्ती कारागृहाची पहाणी
• अजितदादा, आमच्याकडे चहाला या; फडणवीसांनी दिलं खास आमंत्रण
• चाहत्याने भरलं रोहित, गिल आणि पंत यांच्या जेवणाचं चक्क ‘इतकं’ बिल
• लक्षात येतेय का थयथयाटाचे कारण? भाजप नेत्याचा राऊतांवर हल्लाबोल