चाहत्याने भरलं रोहित, गिल आणि पंत यांच्या जेवणाचं चक्क ‘इतकं’ बिल

🕒 1 min read

मेलबर्न : भारत आणि ऑस्ट्रेलिया दरम्यान मेलबर्न इथं सुरू असलेल्या दुसऱ्या क्रिकेट कसोटी सामन्यात भारतानं यजमान संघावर ८ गडी राखून विजय मिळवला. यासह चार सामन्यांच्या कसोटी मालिकेत भारताने १-१ ची बरोबरी साधली आहे. सात जानेवारीपासून तिसरा कसोटी सामना होणार आहे. त्यानंतर अखेरचा व चौथा कसोटी सामना हा ब्रिस्बेन येथे १५ जानेवारीपासून खेळवण्यात येणार आहे.

सात जानेवारीपासून तिसरा कसोटी सामना सिडनीमध्ये होणार आहे. सिडनीला पोहचण्यापूर्वी भारतीय खेळाडू मेलबर्न येथेच सराव करत आहेत. त्याशिवाय मोकळ्या वेळेत मेलबर्न मार्टेकमध्ये किंवा हॉटेलमध्ये स्थानिक जेवणाचा आनंद घेत आहेत. सोमवारी रोहित शर्मा, ऋषभ पंत, शुभमन गिल आणि नवदीप सैनी मेलबर्नमधील एका हॉटेलमध्ये जेवणासाठी गेले होते.

त्याचवेळी एका चाहत्यानं त्यांना पाहिलं. खेळाडूंच्या जवळच्या टेबलवरच चाहता बसला होता. त्याने या खेळाडूंचा छोटा व्हिडिओ ट्विटरवर पोस्ट केला. या चाहत्याचे नाव नवलदीप सिंग आहे. नवलदीप सिंग यानं सोशल मीडियावर आपला आनंद व्यक्त केला. आपल्या आवडत्या खेळाडूंना आणखी काही वेळ पाहाता यावं यासाठी स्वत:साठी अतिरिक्त डिशही मागवली.

Clarification – Pant never hugged me it was all said in excitement we maintained social distance all thru:) Apologies for miscommunication @BCCI @CricketAus @dailytelegraph

— Navaldeep Singh (@NavalGeekSingh) January 2, 2021

Bhookh nai h so ye order kar diya h taaki inko dekhta rahu ???????????????? pic.twitter.com/cvr3Cfhtl7

— Navaldeep Singh (@NavalGeekSingh) January 1, 2021

तसेच त्याने नंतर चक्क भारतीय क्रिकेटपटूंच्या जेवणाचे बिलही भरले. बिल भरल्याचं सुरुवातीला क्रिकेटपटूंना माहित नव्हते. याबाबत त्याने ट्विटरवरुन माहिती दिली आहे. बिल 118.69 डॉलर एवढे आले होते. हे सर्व बिल नवलदीप सिंग यांनी भरलं.

Pic is on my insta 🙂 pic.twitter.com/KkUtO0zs6U

— Navaldeep Singh (@NavalGeekSingh) January 1, 2021

आपलं हॉटेलमधील बिल भरल्याचं रोहित शर्मा आणि इतर क्रिकेटपटूंना समजलं तेव्हा सर्वजण नवलदीप सिंगला भेटले. रोहित त्याला म्हणाला…’पैसे घे रे असं चांगल वाटत नाही.’ ऐकणान तो चाहता कसला.. त्यावर नवलदीप रोहितला नाही म्हणाला… पंतने नलदीपला मिठी मारली आणि म्हणाला, ‘आम्ही तुझ्याबरोबर फोटो तेव्हाच काढू जेव्हा तू पैसे घेशील.’ पण या चाहत्याने त्यांच्याकडून पैसे घेण्यास नकार दिला. अखेर सर्वांनी त्याच्याबरोबर फोटो काढले.

दुसऱ्या कसोटी सामन्यात उमेश यादव जखमी झाला होता. तसेच तिसऱ्या कसोटी सामन्यापूर्वी रोहित शर्माके उपकर्णधारपद सोपवलं. त्यामुळे सिडनी कसोटी सामन्यात भारतीय संघात बदल होण्याची शक्यता आहे.

महत्वाच्या बातम्या 

• बांधकाम विभागातील बिल घोटाळ्याची चौकशी न केल्यास न्यायालयात जाऊ-अतुल भातखळकर  
• सोनू सूद उतरणार राजकारणाच्या मैदानात?
• अजितदादा, आमच्याकडे चहाला या; फडणवीसांनी दिलं खास आमंत्रण
• सभागृहात पवार-फडणवीस एकाच मंचावर, तर बाहेर दोन्ही पक्षांच्या समर्थकांची हुल्लडबाजी
• बॉलिवूड एंट्री अगोदरच रश्मिका मंदाना महागली; एका चित्रपटासाठी घेणार इतके मानधन