हिम्मत असेल तर आता माझा कोल्हापूर दौरा अडवून दाखवा-सोमय्यांचे आव्हान

मुंबई : राष्ट्रवादीचे ग्रामविकास मंत्री हसन मुश्रीफ यांचे घोटाळे उघड करण्यासाठी कोल्हापूर दौरा करण्याचा निर्धार भाजपा नेते किरीट सोमय्या यांनी केला आहे. मागच्या वेळी ऐन वेळेवर पोलिसांनी अडविल्यामुळे त्यांना हा दौरा रद्द करावा लागला होता. या दौऱ्यावरुन राजकारण चांगलेच तापले आहे. आता माझा कोल्हापूर दौरा अडवून दाखवा असे अव्हान सोमय्या यांनी पोलीस व आघाडी सरकारला दिले आहे.

उद्यापासून किरीट सोमय्या कोल्हापूर दौऱ्यावर जाणार आहेत. सोमय्यांनी ग्रामविकास मंत्री हसन मुश्रीफ यांच्यावर गडहिंग्लज साखर कारखान्यात १२७ कोटींच्या भ्रष्टाचाराचा आरोप केला. पुढे महाविकास आघाडीने देखील आक्रमक होत सोमय्यांना कोल्हापुरात न जाता कराडमध्येच थांबवले. परंतु यावेळी कोल्हापुरातील राष्ट्रवादीचे समर्थक आणि मुश्रीफांचे कार्यकर्ते आक्रमक झाले होते. आता याच्याही पुढे जाऊन मुरगूड शहरात सोमय्या यांना कायमच्या प्रवेश बंदीचा ठराव सर्वसाधारण सभेत मंजूर करण्यात आला आहे.

मागच्या वेळी कोल्हापुर दौऱ्यासाठी निघण्याच्या तयारीत असलेल्या किरीट सोमय्या यांच्या घरासमोर १०० पोलिसांना तैनात करण्यात आले होते. तसेच त्यानंतर त्यांना त्यांच्या कार्यालयात बंदी केले होते. त्यांना स्थानबद्ध केल्यानंतर विरोधी पक्षातून मोठ्या प्रमाणावर टीका झाली होती. आता हिंमत असेल तर उद्यापासून सुरु होणारा कोल्हापूर दौरा अडवून दाखवा असे आव्हान त्यांनी आघाडी सरकारला दिले आहे.

महत्वाच्या बातम्या

• दिल्लीची विजयी घोडदौड सुरूच; राजस्थान रॉयल्सचा 33 धावांनी पराभव
• मनिष पांडेनं भर मैदानात केले ‘हे’ कृत्य; सगळीकडे होतेय थू-थू ची चर्चा
• देशात धर्माच्या नावावर दिली जाणारी अफूची गोळी सर्वांवर परिणाम करत आहे – छगन भुजबळ
• ‘..तर शिवसेनेच्या मंत्र्यांना उस्मानाबाद जिल्हा बंदी करणार’, भाजप आ.राणा पाटलांचा इशारा
• ‘अफगाणिस्तानच्या भूमीवर दहशतवाद नको, त्याचा फटका तुम्हालाही बसणार’, मोदींचा पाकिस्तानला इशारा