🕒 1 min read
मुंबई:भाजप विरोधात लढण्यासाठी काँग्रेसला सोबत ठेवावे लागेल. तसेच ज्या राज्यात काँग्रेस कमजोर आहे, तिथे स्थानिक पक्षाला काँग्रेसने सहकार्य करावे तसेच काँग्रेस प्रबळ असलेल्या ठिकाणी इतरांनी नमते घेणे हे सूत्र त्यासाठी उपयुक्त ठरु शकते, असे पालकमंत्री छगन भुजबळ (Chhagan Bhujbal) यांनी नाशिक येथे म्हटले. यावरच आता भाजप नेते अतुल भातखळकर (Atul Bhatkhalkar) यांनी ट्वीट करत टोला लगावला आहे.
“भाजपच्या पराभवासाठी काँग्रेस सोबत हवीच! इति छगन भुजबळ. फक्त काँग्रेस कशाला? जमलं तर AIMIM मुस्लिम लीग, तालिबान, आयएसआय यांना देखील सोबत घ्या.”, असा खोचक टोला अतुल भातखळकर यांनी लगावल आहे.
दरम्यान यावेळी भुजबळ यांनी युपीए अध्यक्षपद यावर सुरु असलेल्या चर्चेवरही प्रतिक्रिया दिली आहे. शरद पवार हे वरिष्ठ आणि अनुभवी नेते आहेत. त्यांच्या अनुभवाचा फायदा देशातील राजकीय लढाईत व्हावा म्हणून युपीएच्या अध्यक्षपदासाठी त्यांच्या आग्रह धरला जात असावा. त्यासंबंधी युपीएमधील नेते इतरांचा मानसन्मान ठेऊन निर्णय घेतील. युपीएमध्ये समाविष्ट नसलेल्या राजकीय पक्षांचे नेते पवारांच्या संपर्कात आहेत. ते युपीएमध्ये एकत्रित अथवा सोबत येऊ इच्छित असतील. त्यातून अध्यक्षपदासाठी पवार यांच्या नावाची सूचना पुढे आली असावी.असे भुजबळ यांनी म्हटले आहे.
महत्वाच्या बातम्या:
IPL 2022 : “सकाळी उठल्यापासून ते…”, कैफनं अजिंक्य रहाणेच्या स्वभावाचा केला खुलासा!
विराट कोहलीचे बालपणीचे कोच संकटात; दिल्ली क्रिकेट असोसिएशन ‘असं’ पाऊल उचलण्याच्या तयारीत!
आलियासोबतच्या लग्नाबाबत रणबीरने केला मोठा खुलासा, म्हणाला..
“मला काहीच सांगायचं नाही, नो कमेंट” – अजित पवार
बातम्यांसाठी YouTube चॅनेल Subscribe करा
Subscribe Now
