“उत्पल पर्रीकरांनी हिंमत दाखवत शिवसेनेशी संबंध जोडला तर..” संजय राऊतांचे मोठे विधान

पणजी : सध्या गोव्यातील प्रमोद सावंत यांचे सरकार डगमगीत होताना दिसत आहे. आजच भाजप आमदार मायकेल लोबो यांनी भाजपला सोडचिठ्ठी दिली आहे. तर आता मनोहर पर्रीकर यांचे पुत्र उत्पल पर्रीकर यांना आत्तापर्यंत भाजपने तिकीट दिले नाही. त्यामुळे आता यावरच राजकीय चर्चा रंगत असताना शिवसेना खासदार संजय राऊत (Shiv Sena MP Sanjay Raut) यांनी मोठे विधान केले आहे.

उत्पल पर्रिकर (Utpal parrikar) यांनी हिंमत दाखवायला हवी. जर पर्रिकर यांच्या कुटुंबाने हिंदुत्ववादी म्हणून शिवेसेनेबरोबर संबंध जोडण्याचा प्रयत्न केला तर शिवसेना नक्कीच त्यांच्यासाठी ताकद पणाला लावेल, असे संजय राऊत यांनी म्हटले आहे. पणजीत प्रसारमाध्यमांशी बोलत होते. त्यामुळे आगामी निवडणुकीत उत्पल पर्रिकर शिवबंधन बांधणार का, याकडे सर्वांच्या नजरा लागल्या आहेत.

उत्पल पर्रिकर यांच्या वडिलांनी भाजपला गोव्यात एक स्थान निर्माण करुन दिले आहे. गोव्यात भाजप रुजवली आहे. त्यांच्याच प्रतिमेवर गोव्यात भाजप टिकला आहे. त्यामुळे उत्पल पर्रिकर यांच्यावर अवलंबून आहे. शेवटी राजकारणात धाडसाने काही निर्णय घ्यावे लागतात असेही राऊत यांनी म्हटले आहे.

येणाऱ्या काळात गोव्यात भाजप राहते की शिवसेना कळेलच-

तसेच गोव्यात शिवसेनेचं स्थानच नाही, म्हणणाऱ्या प्रमोद सावंत यांना “गोव्याचे मुख्यमंत्री प्रमोद सावंत हे सध्या जमिनीपासून चार हात वर चालत आहेत. भाजपला मुख्य पर्याय म्हणून भविष्यात गोव्याचे लोक शिवसेनेचा विचार करतील त्यांना माझ्या शुभेच्छा आहेत. कधी काळी गोव्यातही भाजपला कोणी विचारत नव्हते. त्यामुळे येणाऱ्या काळात गोव्यात भाजप राहते की शिवसेना राहते, हे कळेलच.” असे म्हणत त्यांनी चांगलाच टोला लगावला आहे.

महत्वाच्या बातम्या

• “महापौर मॅडम तुमचं सरकार… तुमचा पेपर नेहमीच फुटलेला असतो”, सदाभाऊंची घणाघाती टीका
• हृतिक पुन्हा लग्न करणार? सुझानला घटस्फोट दिल्यानंतर वडील राकेश रोशन यांचा खुलासा
• यंदाचा IPL सीजन महाराष्ट्रात घेण्यासाठी शरद पवार आग्रही, …BCCI चा B प्लानही तयार
• महेश शिंदेंनी शरद पवारांवर केलेल्या टीकेवर शशिकांत शिंदेंचे प्रत्युत्तर;म्हणाले…
• कोरोनाच्या पार्श्वभूमीवर केंद्रीय आरोग्यमंत्र्यांची आज उच्चस्तरीय बैठक; महाराष्ट्रासह ‘या’ राज्यांच्या मंत्र्यांची राहणार उपस्थिती