पंढरपूर : मी कच्च्या गुरूचा चेला नाही, असे राष्ट्रवादीचे दिवंगत आमदार भारत भालके म्हणायचे. मी देखील कच्च्या गुरूचा चेला नाही’ असं म्हणत धनंजय मुंडेंनी भाजपवर निशाणा साधलाय. भारत भालके यांचे पुत्र भगिरथ भालके यांच्या प्रचारासाठी मुंडेंनी वाकडी येथे प्रचारसभा घेतली. यावेळी त्यांनी साताऱ्यातील खा. शरद पवार यांच्या पावसाच्या सभेची आठवण सांगितली. तसेच ‘नुकत्याच झालेल्या जयंत पाटील यांच्या सभेत पाऊस आला आणि विरोधकांनी त्याचा धसकाच घेतला. त्यांना आमच्या सभांमध्ये पाऊस आला की धसकाच बसतो’, अशी टोला मुंडेंनी भाजपला लगावलाय.
भारत भालके यांच्या आकस्मिक निधनाने रिक्त झालेल्या पंढरपूर-मंगळवेढा विधानसभा मतदारसंघाची पोटनिवडणूक १७ एप्रिल रोजी होणार आहे. या निवडणूकीकरिता राष्ट्रवादी काँग्रेस पक्षाने भगिरथ भालके यांना तर भारतीय जनता पक्षाने समाधान आवताडे यांना उमेदवारी दिली आहे. भगिरथ यांच्या प्रचारासाठी धनंजय मुंडेंनी वाकडी येथे सभा घेतली.
ते म्हणाले, पंढरपूर तालुक्यातील वाकडी येथे सर्व वारकरी दिंड्या विसाव्यास येतात. आज गुढीपाडव्याच्या दिवशी वाकडी येथे प्रचारास येणे हा माझ्यासाठी भाग्यवह योगायोग आहे. ही निवडणूक पक्ष विरुद्ध पक्ष अशी नसून आता सत्य विरुद्ध प्रत्येक गोष्टीत हीण दर्जाचे राजकारण करणाऱ्या प्रवृत्ती अशी आहे. या अपप्रवृत्तींना इथल्या जनतेनेच आता ‘रिंगण’ दाखवावे, असे आवाहन धनंजय मुंडे यांनी उपस्थितांना केले.
राजकीय आरोप-प्रत्यारोपांसह नेत्यांच्या भाषणांमुळे कार्यकर्त्यांचा उत्साह शिगेला गेला असतानाच आज धनंजय मुंडे यांनी प्रचारसभा घेत भाजपवर हल्लाबोल केला आहे. ‘मायच्यान कोणाचाही नाद करा, पण पवार साहेबांचा नाद करु नका’ असा इशाराच त्यांनी विरोधी नेत्यांना दिला आहे.
महत्त्वाच्या बातम्या
- ऐकावे ते नवलच! बायको झुरळाला घाबरते म्हणून नवऱ्याने मागितला घटस्फोट
- ‘मुख्यमंत्र्यांची आता फक्त कोरोनाशी चर्चा बाकी आहे, त्यानंतर ते लॉकडाऊनचा निर्णय घोषित करतील’
- नोबेल पुरस्काराप्रमाणे टागोर यांच्या नावानेही पुरस्कार सुरू करणार – अमित शाह
- एक्सपायरी डेट संपलेल्या बाटल्यांवर नवं स्टिकर लावून होतेय रेमडेसिव्हीर इंजेक्शनची विक्री
- शालिवाहन नगरीत ऐतिहासिक तीर्थ खांबावर उभारली गुढी!
