मुंबई : भारतीय क्रिकेट संघाचे ‘लिटल मास्टर’, माजी सलामीवीर सुनील गावसकर आज ७३वा वाढदिवस साजरा करत आहेत. यानिमित्ताने अनेक माजी क्रिकेटपटूंनी त्याला वाढदिवसाच्या शुभेच्छा दिल्या आहेत. त्याचवेळी आयसीसीने गावसकर यांच्या वाढदिवसानिमित्त एक खास व्हिडिओ शेअर केला आहे.
या आयसीसी व्हिडिओमध्ये क्रिकेटमधील दिग्गज व्यक्तींनी गावसकरांचे खूप कौतुक केले आणि ते इतके खास फलंदाज का आहेत हे सांगितले. इंग्लंडचे माजी अष्टपैलू खेळाडू इयान बोथम यांनी त्यांच्या कौतुकात मोठी गोष्ट सांगितली. ते म्हणाले, ”सुनील गावसकर असा सलामीवीर होता ज्याला तुम्हाला लवकरात लवकर पॅव्हेलियनमध्ये पाहायचे होते. कारण तो मुक्कामाला असायचा तर त्याने दुपारचे जेवण, रात्रीचा मुक्काम बुक केला असता. त्याला आऊट करणे खूप अवघड होते.”
“He was one opener you wanted to see back of. Because when he gets in, he books lunch and dinner and overnight accommodation."
Happy birthday to one of India’s greatest batters – Sunil Gavaskar ????
— ICC (@ICC) July 10, 2022
सुनील गावसकर यांच्या नावावर अनेक मोठे विक्रम आहेत. त्यांनी १९७८/७९ मध्ये वेस्ट इंडिजविरुद्धच्या ६ सामन्यांच्या कसोटी मालिकेत ७३२ धावा केल्या होत्या. जो कसोटी मालिकेत सर्वाधिक धावा करण्याचा विक्रम आहे. गावसकर यांनी त्या मालिकेत ४ शतके आणि १ अर्धशतक झळकावले होते. याशिवाय १९८१/८२ मध्ये इंग्लंडविरुद्धच्या कसोटी मालिकेत गावसकर यांनी ६ सामन्यांच्या ९ डावात ५०० धावा केल्या होत्या. गावसकर हे कसोटी क्रिकेटमध्ये १०,००० धावा करणारे पहिले फलंदाज होते आणि दीर्घकाळापर्यंत सर्वाधिक शतकांचा विक्रमही त्यांच्या नावावर होता.
महत्त्वाच्या बातम्या –
