नवी दिल्ली : काँग्रेसचे नेते राहुल गांधी यांनी पुन्हा एकदा भारत-चीन सीमावाद मुद्यावरून मोदी सरकार व भाजपावर निशाणा साधला आहे. काँग्रेसकडून सातत्यानं चीननं भारतीय भूप्रदेशात घुसखोरी केल्याचा आरोप होतं आहे , आता पुन्हा राहुल गांधी यांनी ट्विट करून आपली भूमिका मांडली आहे. “जे लोकं खोटं बोलत आहेत, ते देशभक्त असूच शकत नाही,” असं टीकास्त्र राहुल गांधी सोडलं आहे.
भारत-चीन सीमावादावरून दोन्ही देशांमध्ये लष्करी आणि राजनैतिक पातळीवर चर्चेच्या फेऱ्या सुरू आहेत. दुसरीकडे मागील काही दिवसांपासून राहुल गांधी व्हिडीओ ट्विट करून आपली भूमिका मांडत आहेत. राहुल गांधी यांनी नवीन व्हिडीओ शेअर केला असून, त्यात त्यांनी मोदी सरकारला लक्ष्य केलं आहे. “एक भारतीय म्हणून माझी पहिली प्राथमिक देश आणि देशातील जनता आहे. हे एकदम स्पष्ट आहे की, चीन आपल्या भूभागात घुसलेला आहे. ही गोष्ट मला अस्वस्थ करते. खरं सांगायचं तर माझं रक्त उसळतं. दुसरा देश माझ्या देशाच्या भूभागात येऊ कसा शकतो? आता एक राजकीय नेते म्हणून तुम्हाला वाटत की, मी गप्प रहावं आणि माझ्या लोकांशी खोटं बोलावं. जेव्हा की सत्य मला कळालं आहे. मी सॅटेलाईट फोटो बघितले आहेत. निवृत्त लष्करी अधिकाऱ्यांशी बोललो आहे आणि तुम्हाला वाटत की मी खोटं बोलावं,” असं राहुल गांधी यांनी मोदी सरकारला उद्देशून म्हटलं आहे.
The Chinese have occupied Indian land.
Hiding the truth and allowing them to take it is anti-national.
Bringing it to people’s attention is patriotic. pic.twitter.com/H37UZaFk1x
— Rahul Gandhi (@RahulGandhi) July 27, 2020
“चीननं माझ्या देशात घुसखोरी केलेली नाही, असं मी खोटं बोलणार नाही. माझं पूर्ण करिअर बुडालं तरी चालेल, पण मी स्पष्ट करू इच्छितो की मी खोटं बोलणार नाही. मला वाटत चीननं घुसखोरी केली नाही, असं काही लोक खोटं बोलत आहेत. मला वाटत हेच लोक राष्ट्रवादी नाहीत. माझ्या मते जे लोक खोटं बोलत आहेत आणि सांगत आहेत की चीननं घुसखोरी केलेली नाही, ते लोकच देशभक्त नाहीत. मला याची राजकीय किंमत मोजावी लागली तरी चालेल, माझं राजकीय करिअर संपल, तरी काळजी नाही. पण, जिथपर्यंत भारतीय भूभागाचा प्रश्न आहे, मी केवळ सत्य बोलेल,” असं राहुल गांधी म्हणाले.
राहुल गांधी पुन्हा काँग्रेसच्या अध्यक्षपदी?
‘भाजपचा भ्रम लवकरच तुटेल,देशाला याची मोठी किंमत मोजावी लागेल’
चीनच्या पंतप्रधानांना मोदी 19 वेळा भेटले, पण यातून काही निष्पन्न झाले का?
बातम्यांसाठी YouTube चॅनेल Subscribe करा
Subscribe Now
