हात जोडून सांगतो माझं-तुझं न करता समाजासाठी एकत्र येऊ; संभाजी राजेंचं फडणवीसांना साकड

🕒 1 min read

मुंबई : खासदार संभाजीराजे छत्रपती हे आता मराठा आरक्षणाच्या मुद्द्यावरून आक्रमक झाले असल्याचे चित्र सध्या पाह्यला मिळत आहे. सध्या संभाजीराजे हे महाराष्ट्र दौऱ्यावर असून विविध भागांमध्ये समाज बांधवांच्या भेटी व बैठक घेऊन त्यांच्या भावना समजावून घेत आहेत. कालच मराठा आरक्षण प्रश्नी चर्चा करण्यासाठी संभाजीराजे यांनी शरद पवार यांची भेट घेतली घेतली होती.

दरम्यान, आज त्यांनी राज्याचे विरोधी पक्षनेते देवेंद्र फडणवीस यांची भेट घेतली. आज दुपारी बारा वाजताच्या सुमारास छत्रपती संभाजीराजे आणि देवेंद्र फडणवीस यांच्यात भेट झाली. यावेळी छत्रपती संभाजी राजे यांनी मराठा समाजाच्या आरक्षणाची भूमिका फडणवीसांसमोर मांडली.

‘मी देवेंद्रजींना हात जोडून विनम्रपणानं सांगितलं माझं तुझं करण्यापेक्षा आपण समाजासाठी एकत्र येऊ. आपण एकत्र आलो नाही आणि समाजाला न्याय दिला नाही. तर जे काही समाजाचे होईलं त्याला तुम्ही-आम्ही सर्व जबाबदार ठरू’, असं फडणवीसांच्या भेटीनंतर प्रसारमाध्यमांशी बोलत असताना खासदार छत्रपती संभाजी राजे म्हणाले.

तसेच ‘आता आपल्याला मराठा समाजाला न्याय द्यायचा असेल तर राजकारणापलिकडे विचार करायला पाहिजे. म्हणून मुख्यमंत्री, विरोधीपक्ष नेते या सर्वांनी एकत्र यायला हवं. नम्रतेने हात जोडून मी त्यांना सांगितलं की माझं-तुझं करण्यापेक्षा आपण सगळे एकत्र येऊ आणि समाजाला न्याय देऊ. कारण आता न्याय दिला नाही. तर या समाजाचं काय होईल याला जबाबदार बाकी कोणी नसेल. त्याला माझ्यासकट हे सगळे नेते मंडळी, खासदार, आमदार हे जबाबदार असतील’, असं संभाजी राजे म्हणाले.

दरम्यान, देवेंद्र फडणवीस यांची भेट घेतल्यानंतर संभाजी राजे राज्याचे मुख्यमंत्री उद्धव ठाकरे यांची भेट घेण्यासाठी रवाना झाले आहेत. त्यानंतर संभाजीराजे पत्रकार परिषद घेऊन आपली भूमिका स्पष्ट करणार आहेत.

महत्वाच्या बातम्या

• व्हिडीओ काढल्यामुळेच मला पोलिसांनी मारहाण केली, तर कोणताच गुन्हा न नोंदवता सोडून दिले – शिवराज नारीयलवाले
• ट्विटरला देशातील कायद्याचे पालन करावेच लागेल – केंद्र सरकार
• “राज्यसरकार व प्रशासन कोरोना रुग्णांची संख्या लपवत आहे, याचा भांडाफोड १ जूनला करणार”, आ. निलंगेकरांचा इशारा
• मोदींना अजून कोरोना समजलाच नाही ; राहुल गांधीचा टोला
• ‘मिर्झापूर’ मधील अभिनेता राजेश तैलंगवर आर्थिक संकट?; ‘रामलड्डू’ विकतानाचा फोटो व्हायरल