काही जण माझ्या मैत्रीचा आणि चांगुलपणाचा फायदा उचलतात हे आता लक्षात आलंय-नारायण राणे

🕒 1 min read

मुंबई : सोमवारी केंद्रीय मंत्री नारायण राणे यांनी राज्याच्या मुख्यमंत्र्यांविरोधात एक आक्षेपार्ह वक्तव्य केलं आणि मंगळवारी त्यावरुन राजकीय वाद रस्त्यावर पाहायला मिळाला. आज नारायण राणे यांनी हायकोर्टात याचिका दाखल केली आहे. या याचिकेवर दुपारी सुनावणी पार पडली आहे. सुनावणीदरम्यान १७ सप्टेंबरपर्यंत राणेंवर कोणतीही कठोर कारवाई न करण्याची आदेश हायकोर्टाने दिले असून राज्य सरकारने देखील त्याबाबत हमी दिली आहे.

दरम्यान, नारायण राणे हे पत्रकार परिषद घेत आहेत. यावेळी त्यांनी “दोन्ही निकाल माझ्या बाजून लागले आहेत. काही जण माझ्या मैत्रीचा आणि चांगुलपणाचा फायदा उचलतात हेही माझ्या लक्षात आलं आहे.”, असं केंद्रीय मंत्री नारायण राणे यांनी सांगितलं.

माझी जन आशीर्वाद यात्रा पंतप्रधान नरेंद्र मोदी यांनी केलेल्या विकासकामाची माहिती जनतेला देण्यासाठी आहे. परवापासून सिंधुदुर्गातून जन आशीर्वाद यात्रा पुन्हा सुरू होईल. त्यात व्यत्यय येणार नाही. आमची यात्रा सुरू होती. पण आमच्या विरोधी मित्रांनी लढा सुरू केला. पण माझा पक्ष पाठीशी उभा राहिला. त्याबद्दल सर्वांचे आभार मानतो असेही राणे म्हणाले.

दरम्यान, नारायण राणेंविरुद्ध राज्यात विविध ठिकाणी दाखल केलेल्या गुन्हे हे खोटे आहेत, असे राणेंचे वकील सतीश मानेशिंदे यांनी सांगितले आहे. या गुन्हयांविरोधात ही याचिका हायकोर्टात करण्यात आली आहे. राणेंवर जिथे गुन्हे दाखल आहेत तिथे जाण्याची गरज नाही. नारायण राणे यांनी २३ ऑगस्टला केलेलं वक्तव्य प्रक्षोभक नव्हतं, असे देखील वकील मानेशिंदे पुढे म्हणाले. विशेष सरकारी वकील अमित देसाई यांनी देखील राज्य सरकारच्या वतीने बाजू मांडली. जोवर पुढची सुनावणी होत नाही तोवर कुठलंही विधान करू नये अशी मागणी देसाई यांनी केली. मात्र, राणेंचे वकील मानेशिंदे यांनी ही मागणी म्हणजे व्यक्तिस्वातंत्र्यावर गदा आणण्यासारखे आहे, असे कोर्टात सांगितले. त्यानंतर हायकोर्टाने राज्य सरकारची ही मागणी मान्य केली नाही. पुढील सुनावणी १७ सप्टेंबरला घेण्यात येईल.

महत्त्वाच्या बातम्या

• ‘माझ्यावर निस्सीम प्रेम करणाऱ्या सहकाऱ्यांचे मनापासून आभार’, नारायण राणेंचे ट्वीट
• नाणेफेक जिंकत विराटने संपवला ‘तो’ इंग्लंडमधील दुष्काळ
• ‘सैराट’ फेम आर्चीच्या हटके लुकने वेधले चाहत्यांचे लक्ष
• हेंडिग्ले कसोटीत नाणेफेक जिंकत विराटचा प्रथम फलंदाजी करण्याचा निर्णय
• ‘भोक तुमच्या फुग्याला पडलंय राऊतसाहेब…’ ; चंद्रकांत पाटलांचा संजय राऊतांना टोला