निराधारांचे मानधन रखडले; गाव सोडून इतर ठिकाणी रोजगारासाठी रवाना

नांदेड: जिल्ह्यातील हदगाव तालुक्यातील निराधारांना शासनाकडून मिळणारे मानधन मागील तीन महिन्यापासून रखडल्याने निराधारांना रोजगारा साठी गाव सोडून इतर ठिकाणी पोट भरण्यासाठी जावे लागत आहे. कोरोना काळातील लॉकडाउनमुळे अधीच रोजगार गेला आहे, त्यात मानधन रखडल्यामुळे निराधारावर उपासमारिची वेळ आली आहे.

कोरोना प्रादुर्भावात अनेकांचे रोजगार गेले. कमावणारे हात रिकामे झाले. नंतर ग्रामपंचायत निवडणुक आणि कोरोना संसर्गा मुळे शासनाने आपला निधी गोठवला आणि विकास कामे रखडली यामुळे मजुरांच्या हाताला काम मिळने बंद झाले. यामुळे काम शोधण्यासाठी अनेक जण गाव सोडून मुंबई, पुणे येथे रवाना झाले. गावात शाळकरी मुले व निराधार मंडळी शिल्लक आहेत. या निराधारांना शासनाकडून मासिक ६०० रुपये मिळत होते. , पण मागील तीन महिन्यापासून मानधन रखडले आहे.

यादरम्यान काही लोकप्रतिनिधी यांची भेट घेतात. चौकशी करतात, आणि मदत करण्याचे आश्वासन देतात. यावेळी ते स्वत:च्या प्रचारासाठी निराधारासोबत फोटो काढतात. ते फोटो छापून येतात मात्र मदत काही येत नाही. यामुळे मागील तीन महिन्यापासून तारीख-पे-तारीख प्रकारामुळे निराधारावर उपासमारीची वेळ आली आहे.

महत्वाच्या बातम्या

• शेतकरी आंदोलन पुन्हा उसळणार ! ४० लाख ट्रॅक्टर दिल्लीत आणण्याचा राकेश टिकैत यांचा इशारा
• काँग्रेसच्या रॅलीत कोरोना नियमांचा बट्ट्याबोळ ! शिवजयंतीवर निर्बंध पण राजकीय पक्षांना लगाम घालणार कोण ?
• फर्दापूरतांडा येथील कल्पवृक्ष तिर्थक्षेत्रावर बसस्थानकाचे काम सुरु
• ‘येथे कोरोना रुग्ण आहे’; घराबाहेर लागणार फलक
• शिवजयंतीच्या कार्यक्रमावर बंदी घालता मग…वशाटोत्सव आणि साहित्य सम्मेलनही रद्द करा – संभाजी ब्रिगेड