“गृहमंत्री वळसे पाटलांनी आम्हाला शिकवू नये…”, नवनीत राणांचे प्रत्युत्तर

🕒 1 min read

मुंबई: मुख्यमंत्री उद्धव ठाकरे यांच्या मातोश्री या निवासस्थानासमोर आज (२३ एप्रिल) हनुमान चालीसा पठन करणारच असा इशारा आमदार रवी राणा यांनी दिला आहे. यावरच गृहमंत्री दिलीप वळसे पाटील (Dilip Walse Patil) यांनी प्रतिक्रिया देत ‘त्यांना हनुमान चालीसा वाचायची असेल तर आपल्या घरी वाचावी, दुसऱ्याच्या घरी जाऊन ड्रामा करू नये’, असे म्हटले आहे. यावरच खासदार नवनीत राणा (Navneet Rana) यांनी प्रत्युत्तर दिले आहे.

“गृहमंत्री वळसे पाटलांनी आम्हाला शिकवू नये. हनुमानाला तुम्ही विचारत नाही आणि अयोध्येत जाऊन तुम्ही काय बोलणार आहात? गृहमंत्र्यांनी आम्हाला काय करायचं ते शिकवू नये. राज्यातील कायदा आणि सुव्यस्थेचा गंभीर झालेल्या प्रश्नाकडे त्यांनी लक्ष द्यावं. हनुमान चालीसा आम्ही मातोश्रीच्या बाहेर म्हणणार होतो, मातोश्रीच्या आत नव्हे!”, असे नवनीत राणा यांनी म्हटले आहे.

काय म्हणाले गृहमंत्री वळसे पाटील?

“त्यांना हनुमान चालीसा वाचायची असेल तर आपल्या घरी वाचावी, दुसऱ्याच्या घरी जाऊन ड्रामा करू नये. त्यांना फारच धर्मा बद्दल आवड असले तर त्यांनी अमरावतीमध्ये आपल्या घरी शांततीत याचे वाचन करावे. मातोश्रीवर जाऊन तिथे विनाकारण शिवसैनिकांचा राग ओढवून घेऊ नये.”, असे वळसे पाटील म्हणाले आहेत.

तसेच पोलिसांना काय करायचे आहे, हे त्यांना माहित आहे. पोलिसांना योग्य कारवाई करण्याची सूचना देण्यात आली आहे. वरिष्ठ पोलीस अधिकारी माझ्या संपर्कात असून परिस्थिती बिघडली असे दाखवण्यात येऊ नये. राणांनी कुणाची तरी सुपारी घेतल्याचे दिसून येत आहे. कुणाच्या तरी सांगण्यावरून हे चालले आहे. मात्र राज्यातील कायदा आणि सुव्यवस्था बिघडली तर या मागील कारण राणा दाम्पत्य असणार. असा इशाराही वळसे पाटील यांनी दिला आहे.

महत्वाच्या बातम्या: 

• “कुणाच्या तरी पाठबळानं मातोश्रीत घुसण्याचा प्रयत्न करत असाल तर…”, संजय राऊतांचा राणा दांपत्याला इशारा
• “बाळासाहेब ठाकरेंच्या विचारांचे शिवसैनिक असते तर…”, रवी राणांचा शिवसेनेला टोला
• राणांनी कुणाची तरी सुपारी घेतली असेल- दिलीप वळसे पाटील
• उद्धव ठाकरेंच्या माध्यमातून महाराष्ट्राला शनी लागला; रवी राणा आक्रमक
• “हिंमत असेल तर खाली या”, ‘हनुमान चालीसा’ वाद पेटला; राणांच्या इमारतीसमोर शिवसैनिकांची घोषणाबाजी