बुलडाणा : बुलडाणा तालुक्यात एक मनाला चटका लावणारी घटना घडली आहे. हतेडी बु. गावातील एका विवाहित महिलेने आपल्या सहा वर्षाच्या चिमुकल्यासह विहिरीत उडी मारून आत्महत्या केली. हा प्रकार काल, गुरुवारी उघडकीस आला. त्यापूर्वी दोन दिवसांपासून ही महिला मुलासह बेपत्ता असल्याचे पोलिसांनी सांगितले. दरम्यान, जीव गेल्यानंतरही आई आपल्या मुलाला घट्ट पकडून असल्याचे चित्र पाहून उपस्थितांचे मन हेलावले.
पोलिसांनी दिलेल्या माहितीनूसार, रुपाली हरिदास चव्हाण (२५) आणि मुलगा समर्थ (६) अशी मृतांची नावे आहेत. हतेडी येथील गट क्रमांक २४ मधील सीताराम चव्हाण यांच्या शेतातील विहिरीत एका महिलेसह बालकाचा मृतदेह पाण्यावर तरंगताना आढळून आला. याची माहिती गावातील काही नागरिकांनी सीताराम चव्हाण यांना दिली. त्यांनी पोलिी पाटील यांना या घटनेची माहिती देताच ग्रामीण पोलिस स्टेशनच्या पोलिसांनी घटनास्थळी धाव घेऊन दोन्ही मृतदेह बाहेर काढले.
मृत महिला मुलासह १७ मार्चला घरून निघून गेली होती. ते परत न आल्याने घरच्यांनी त्यांचा शोध घेतला. मात्र, दोघेही सापडले नाहीत. १८ मार्चला दोघांचे मृतदेह विहिरीत आढळले. दरम्यान, या दोघांनी आत्महत्या केली की त्यांची हत्या करण्यात आली या अनुषंगानेही पोलीस तपास करत आहेत.
महत्वाच्या बातम्या
- धक्कादायक! बसमध्ये ८१ प्रवासी; जिंतूर येथील एस.टी. आगारात कोरोना नियम धाब्यावर
- यांच्यावर कारवाई होणार का? कोरोना तपासणी करणारे कर्मचारीच मास्कविना
- महाराष्ट्रात कोरोनाचा उद्रेक, मध्यप्रदेश सरकारने घेतला मोठा निर्णय…
- इंग्लंडविरुद्धच्या एकदिवसीय मालिकेसाठी भारतीय संघाची घोषणा; पृथ्वीला संधी नाहीच
- राज्य सरकारचे ओबीसींच्या आरक्षणाकडे दुर्लक्ष, चंद्रशेखर बावनकुळे उतरणार रस्त्यावर
