ऱ्हदयद्रावक! मायलेकीसह पुतणीचा गोदावरी नदीत बुडून मृत्यू

बीड : बीड जिल्ह्यात एक ऱ्हदयद्रावक घटना घडली आहे. कपडे धुण्यासाठी आईसोबत गेलेल्या मुलीचा नदीकाठी खेळत असताना तोल गेल्याने तिला बाहेर काढण्यासाठी गेलेल्या आईचा व सोबत असलेल्या पुतणीचा नदीपात्रात बुडून मृत्यू झाला आहे. ही घटना गेवराई तालुक्यातील मिरगाव येथे आज बुधवारी सकाळी अकराच्या सुमारास घडली.

पोलिसांनी दिलेल्या माहितीनूसार, रंजना भागवत गोडबोले (वय ३०), अर्चना भागवत गोडबोले (वय १०), शितल हनुमान गोडबोले (वय ११) मृत्यू झालेल्यांची नावे आहेत. रंजना गोडबोले या नेहमीप्रमाणे आज सकाळी कपडे धुण्यासाठी गोदावरी नदीपात्रात गेल्या होत्या. सोबत मुलगी व पुतणीही होत्या. रंजना या धुणे धुण्यात व्यस्त असताना नदीकाठी खेळणारी मुलगी अचानक पाण्यात पडल्याने ती गोदापात्रात बुडू लागली.

यावेळी तिला वाचविण्यासाठी रंजना यांनी देखील गोदापात्रातील पाण्यात उडी मारली. दरम्यान गोदापात्रात धुणे धुणाऱ्या काही महिलांनी आरडा ओरड करत गावाकडे धाव घेऊन मदतीसाठी आवाहन केले. मात्र, गावातील तरुण येईपर्यंत रंजनासह त्यांची मुलगी व पुतणीचा तिघींचा बुडून मृत्यु झाला. या प्रकरणी तलवाडा पोलीस ठाण्यात आकस्मिक मृत्युची नोंद करण्यात आली आहे.

महत्त्वाच्या बातम्या

• ठाकरे सरकारच्या मंत्रिमंडळाने घेतले ‘हे’ तीन मोठे निर्णय
• ‘डिसेंबरपूर्वी सर्वांचे लसीकरण, ही मोदी सरकारची लबाडीच’ ; ममता दीदींचा घणाघात
• पवारांना मराठा समाजाला आरक्षण द्यायचंच नाहीये; आरक्षण रद्द होण्यास पवारच जबाबदार – पडळकर
• राज्यातील बारावीच्या परीक्षा रद्द करण्याचा प्रस्ताव ; ठाकरे सरकार उद्या निर्णय घेण्याची शक्यता
• आई-वडिलांचे छत्र हरपलेल्या बालकांच्या खात्यात राज्य सरकार ५ लाख रुपये जमा करणार !