मुंबई : जगभरात आंतरराष्ट्रीय योग दिवस 21 जून रोजी साजरा केला जातो. योग आयुष्यात सकारात्मक ऊर्जा घेऊन येतो. पंतप्रधान नरेंद्र मोदी यांच्या पुढाकारानंतर 21 जून 2015 रोजी पहिल्यांदा आंतरराष्ट्रीय योग दिवस साजरा करण्यात आला होता. लोकांना योगाबद्दल जागरूक करणे हा त्याचा मुख्य उद्देश होता, कारण योग केल्याने एखादी व्यक्ती शारीरिक आणि मानसिकदृष्ट्या निरोगी राहू शकते. सध्याच्या कोरोना काळात तर योगाचे महत्त्व आणखीन वाढले आहे.
आजच्या योगादिनानिमित्त सेलीब्रीटीपासून ते राजकीय नेत्यांपर्यंत योग दिन साजरा केला जात आहे. तसेच अनेकजण सोशल मीडियाच्या माध्यमातून योगदिनाच्या शुभेच्छा देत आहेत. तसेच नियमित योगा करण्याचा सल्ला देखील देत आहेत. अशातच आता खासदार रामदास आठवले यांनी आपल्या खास शैलीत योग दिनानिमित्त एक कविता ट्विट करत शुभेच्छा दिल्या आहेत.
नेहमी करा योग
तुमच्याजवळ येणार नाही रोग !
नेहमी करा योग
निघून जाईल तुमचा रोग!— Dr.Ramdas Athawale (@RamdasAthawale) June 21, 2021
रामदास आठवले यांनी ट्विटरवरुन कविता पोस्ट करत लिहिले की, ‘नेहमी करा योग, तुमच्याजवळ येणार नाही रोग ! नेहमी करा योग,निघून जाईल तुमचा रोग! रामदास आठवले हे त्यांच्या कवितांसाठी प्रसिद्ध आहेत. त्यांच्या कवितांमुळे ते कायमच चर्चेचा विषय ठरतात.
दरम्यान, आंतरराष्ट्रीय योग दिनानिमित्त पंतप्रधान नरेंद्र मोदी यांनी आज सोमवारी सकाळी देशातील नागरिकांना संबोधित केले. यावेळी मोदींनी कोरोना संकट काळात योग हा आशेचा किरण असल्याचं म्हटले. यासोबतच भारतानं जागतिक आरोग्य संघटनेसोबत (WHO) मिळून तयार केलेल्या M-Yoga App चे मोदींनी लाँचिंग केले. यावेळी त्यांनी कोरोना संकटात योगाचं महत्व सांगितलं. योगामुळे निरोगी आयुष्य, सामर्थ्य आणि सुखी जीवन मिळते. सुखी आयुष्यासाठी योगा महत्वाचा असल्याचे नरेंद्र मोदींनी म्हटले आहे.
महत्वाच्या बातम्या
- काँग्रेस मंत्र्याचे आवाहन, ‘केंद्राने राज्यासाठी दिलेल्या ‘या’ निधीचा लाभ घ्या’
- ‘सोशल मीडियाचा गैरवापर रोखण्यासाठी नवे नियम’, मोदी सरकारची संयुक्त राष्ट्रात भूमिका
- ‘जम्मू-काश्मीरला पूर्ण राज्याचा दर्जा देऊनच विधानसभा निवडणुका घ्या’
- ‘मराठा व ओबीसी आरक्षण ही तुमची जबाबदारी, केंद्राकडे बोट दाखवू नका’, पंकजा मुंडेंचा ठाकरेंना इशारा
- दोन्ही काँग्रेसने शिवसेनेला मोठ्या मनाने सांभाळून घेतलंय, हे लक्षात ठेवावे-हसन मुश्रीफ
