हेअरस्टायलिस्ट जावेद हबीबवर महिलेच्या डोक्यावर थुंकल्याबद्दल गुन्हा दाखल; व्हिडिओ व्हारयल

🕒 1 min read

मुंबई : एका सेमिनारदरम्यान महिलेच्या डोक्यावर थुंकल्याबद्दल हेअरस्टायलिस्ट जावेद हबीबवर (hairstylist Jawed Habib) पोलिस गुन्हा दाखल करण्यात आला आहे. वर्कशॉपमध्ये हबीब ज्या महिलेच्या केसांवर थुंकले त्या महिलेने ही तक्रार दाखल केली आहे, असे पोलिसांनी सांगितले. तसेच सोशल मीडियावर (social media) हा व्हिडिओ प्रचंड व्हायरल झाला आहे.

हा प्रकार उत्तर प्रदेशातील (Uttar Pradesh) मुझफ्फरनगर (Muzaffarnagar) शहरात हेअरस्टायलिस्टने आयोजित केलेल्या कार्यशाळेत घडला. हा व्हिडिओ सोशल मीडियावर मोठ्या प्रमाणावर शेअर केला गेला, ज्यामुळे इंटरनेट वापरकर्त्यांमध्ये मोठ्या प्रमाणावर टीका झाली. केसांची देखभाल आणि शाम्पूचे महत्त्व सांगताना जावेद हबीब यांच्यावर महिलेच्या केसांमध्ये थुंकल्याचा आरोप असून ही महिला बागपत येथील बरौत येथील रहिवासी असल्याचे सांगण्यात येत आहे. महिलेने सांगितले की, तीन दिवसांपूर्वी जावेद हबीब यांनी हॉटेल किंग व्हिला येथील कार्यशाळेत प्रात्यक्षिक दिले. जावेद हबीबने तिच्या केसांवर थुंकून सार्वजनिकपणे तिचा अपमान केल्याचा आरोप महिलेने केला आहे.

Jawed Habib’s spitting on the head has not gone down well. It’s unhygienic, unhealthy and puke worthy… pic.twitter.com/TPgkVEkCPM

— G Sreedathan (@Sreedath) January 6, 2022

आता पोलिसांनी हेअर डिझायनर जावेद हबीबवर कारवाई केली आहे. पोलिसांनी जावेद हबीबविरुद्ध भादंवि कलम ३०४, ५०४ अन्वये गुन्हा दाखल केला आहे. हेअरस्टायलिस्ट जावेद हबीबचे केसांवर थुंकणे व्हायरल झाल्यानंतर हिंदुत्ववादी संघटनांनीही जावेद हबीब यांच्यावर कारवाईची मागणी करत निदर्शने केली. मिळालेल्या माहितीनुसार मन्सूरपूर पोलीस ठाण्यात जावेद हबीबविरुद्ध गुन्हा दाखल करण्यात आला आहे.

महत्वाच्या बातम्या:

• सुनावणी होईपर्यंत कर्मचाऱ्यांनी ठाम राहावे, सुनावणी रद्द झाल्यानंतर सदावर्तेंचे आवाहन
• ‘सरकारला एसटी कर्मचाऱ्यांची कसलीच पर्वा राहिली नाही’; चंद्रकांत पाटलांची टीका
• “मुख्यमंत्री कोरोनाच्या छाताडावर चढून त्याचा कोथळा काढणार की…”; अतुल भातखळकरांची बोचरी टीका
• मित्र आर्यन खानला भेटण्यासाठी अरबाज मर्चंट करणार न्यायालयात अर्ज ; जाणून घ्या कारण
• “…तर माझा हात पाहा आणि सांगा”, मुख्यमंत्री पदाबाबत राणेंचे मोठे भाष्य