अहमदाबाद : गुजरातचे मुख्यमंत्री विजय रुपाणी हे कोरोना पॉझिटिव्ह असल्याचे आढळले आहे. रविवारी सायंकाळी एका सभेला संबोधित करत असताना ते अचानक बेशुद्ध पडले होते. यानंतर त्यांना लागलीच रुग्णालयात दाखल करण्यात आले होते. विशेष म्हणजे रुपाणींव्यतिरिक्त कच्छचे खासदार विनोद चावडा आणि गुजरात भाजप संघटनेचे सरचिटणीस भिखूभाई दलसानिया हेही कोरोना पॉझिटिव्ह असल्याचे आढळले आहे.
मुख्यमंत्री विजय रुपाणी यांच्यावर यूएन मेहता रुग्णालयात उपचार सुरू आहेत. गुजरातमध्ये स्थानिक स्वराज्य संस्थांच्या निवडणुका होणार आहेत. काही दिवसांपूर्वी उमेदवारांच्या निवडीसाठी राज्य संसदीय मंडळाची बैठक घेण्यात आली होती. यात सीएम विजय रुपाणी यांच्यासमवेत मंडळाच्या इतर सदस्यांनी भाग घेतला. यात गुजरातचे प्रभारी भूपेंद्र यादव यांच्यासह अनेक सदस्य उपस्थित होते. आता गुजरात भाजपच्या सर्व संसदीय मंडळाच्या सदस्यांना चाचण्या करण्यास सांगण्यात आले आहे.
वडोदराच्या निजामपुरा भागात रविवारी झालेल्या सभेला संबोधित करताना रुपाणी व्यासपीठावर अचानक बेशुद्ध होऊन कोसळले होते. कोरोनाचा अहवाल येण्यापूर्वी रुग्णालयाचे डॉ. आरके पटेल यांनी पत्रकारांना सांगितले की, “थकवा आणि पाण्याअभावी रुपाणी बेशुद्ध पडले. त्यांच्या इतरही वैद्यकीय चाचण्या करण्यात आल्या असून त्या सामान्य आल्या आहेत.”
पंतप्रधान नरेंद्र मोदी यांनी रविवारी फोनवरून विजय रुपाणी यांच्या प्रकृतीची माहिती घेतली. रुपाणी ज्या सभेत बेशुद्ध झाले, ती त्यांची एका दिवसातील तिसरी सभा होती. वडोदरासह सहा महानगरपालिकांच्या निवडणुका २१ फेब्रुवारी रोजी होणार आहेत. या महापालिकांचा निकाल 23 फेब्रुवारी रोजी लागणार आहे.
महत्वाच्या बातम्या
- ToolKit प्रकरणातील निकिता जेकब आणि शांतनु कोण? काय होता त्यांचा प्लॅन? जाणून घ्या…
- कोरोना योद्ध्यांचा सन्मान फक्त दिखाव्यासाठी ! प्रत्यक्षात मात्र उपेक्षाच
- चांगलं काम करणाऱ्या अधिकाऱ्यांना त्रास देऊ नका, गडकरींनी टोचले स्वपक्षातील लोकप्रतिनिधींचे कान
- ग्रेटा थनबर्ग टूलकिट प्रकरणात दिशानंतर आता निकिता जेकब विरोधात अटक वॉरंट
- पूजा चव्हाण प्रकरणी आवाज उठवणाऱ्या ‘या’ भाजप आमदाराला येताहेत धमकीचे फोन
