मुंबई : कोरोनाचा प्रादुर्भाव दिवसेंदिवस वाढत आहे. कोरोना बाधित रुग्णांची संख्या देखील मोठ्या प्रमाणात वाढत आहे. या वाढत्या कोरोनाच्या संसर्गाला रोखण्यासाठी राज्य सरकार तसेच स्थानिक प्रशासन अनेक उपाययोजना राबवत आहे. तसेच यामुळे राज्यात कडक निर्बंध लागू केले आहेत. काही शहरात कडक लॉकडाऊन देखील करण्यात आला आहे.
या काळात कोरोनाचा संसर्ग वाढू नये यासाठी सांस्कृतिक कार्यक्रमांना राज्यात बंदी घालण्यात आली होती. यामुळे अनेक लोक कलावंतांना आर्थिक अडचणींना सामोरे जावे लागत होते. हे सर्व लक्षात घेऊन लोककलावंतांना अर्थसहाय्य देण्याबाबत राज्य शासन प्रयत्न करीत आहे. या संदर्भातील सर्वसमावेशक प्रस्ताव लवकरच करण्यात येत असल्याची माहिती सांस्कृतिक कार्यमंत्री अमित देशमुख यांनी आज दिली.
महाराष्ट्रातील कलावंतांच्या विविध संघटनांच्या प्रतिनिधींसमवेत आज देशमुख यांनी ऑनलाइन बैठकीद्वारे संवाद साधला. देशमुख म्हणाले की, राज्य शासन लोककलावंतांना आर्थिक सहकार्य देण्यासाठी प्रयत्न करीत असून राज्यातील सर्व क्षेत्रातील लोककलावंतांना यात सामावून घेण्यात येईल. आर्थिक सहकार्य कसे करता येईल याबाबतचा प्रस्ताव तयार करण्यात येत असून यासाठी जिल्हाधिकारी यांची मदत घेण्यात येणार आहे. प्रत्येक जिल्ह्यातील लोककलावंतांचे सर्वेक्षण करण्यात येणार असून शासनाने मंजूर केलेले अर्थसहाय्य थेट या लोककलावंतांच्या खात्यात डीबीटीद्वारे जमा होणार आहे.
तसेच यावेळी फड मालकांना अनुदान, लॉकडाऊन संपल्यानंतर कार्यक्रम सुरू करण्याची परवानगी, लोककलावंतांना रोख मदत, चित्रपटांना सरसकट अनुदान देण्यासंदर्भातील कार्यवाही, लोककलावंतांची नोंदणी, शासनामार्फत देण्यात येणारे अनुदान वेळेवर प्राप्त होणे, कलाकारांसाठी ओळखपत्र असे विविध मुद्दे यावेळी उपस्थित लोककलावंत प्रतिनिधींनी सांस्कृतिक कार्यमंत्री अमित देशमुख यांच्य्समोर मांडले आहेत.
महत्त्वाच्या बातम्या
- सरकारच्या कोरोना धोरणात न्यायालयाच्या हस्तक्षेपाची गरज नाही : केंद्र सरकार
- मराठा समाजाबद्दल वाईट बोलणाऱ्या कॉंग्रेस कमिटीच्या दादा मुंडेला दिला चोप!
- मुलामुळे ९५ वर्षीय आई कोरोना पॉझिटिव्ह, हिंमत न हारता लढली शेवटी कोरोनाला हरवलेच!
- पदोन्नतीमधील आरक्षण रद्द करणे अन्यायकारक; मुख्यमंत्र्यांनी चर्चेसाठी वेळ देण्याची ‘वंचित’ची मागणी
- महाराष्ट्रात कोरोनाचा हाहाकार ! ‘या’ १७ शहरांमध्ये पूर्ण लॉकडाऊन
