मुंबई: २०२२ चे अर्थसंकल्पीय अधिवेशन नवाब मलिक यांचा राजीनामा तसेच ओबीसी आरक्षण या मुद्द्यांवरून चांगलेच गाजत आहे. सलग दुसऱ्या दिवशीही भाजपने ओबीसी आरक्षण संदर्भात मविआ सरकार विरोधात आक्रमक भूमिका घेतली आहे. विरोधी पक्षनेते प्रवीण दरेकर (Pravin Darekar) यांनी ओबीसी आरक्षण व निवडणुक संदर्भात सरकारने आपली भूमिका स्पष्ट करावी, अशी मागणी केली आहे.
“ओबीसी आरक्षणासंदर्भात सरकार वेळकाढूपणा करीत आहे. या सरकारने ओबीसी आरक्षणाची जवळपास हत्या केली आहे. सरकारने ओबीसी आरक्षणासंदर्भात आपली भूमिका जाहीर करावी, ओबीसींचे राजकीय आरक्षण दिल्याशिवाय निवडणुका घेऊ नयेत”, अशी मागणी दरेकर यांनी सभागृहात लावून धरली.
ओबीसींच्या आरक्षणासंदर्भात हे सरकार गंभीर नाही. केवळ सरकारच्या निष्काळजीपणामुळे राज्यभरातील ओबीसी समाजात अस्वस्थता आहे. राजकीय ओबीसी आरक्षण व निवडणुकींच्या संदर्भात आपली काय भूमिका आहे हे सरकारने स्पष्ट करावे.@CMOMaharashtra @AjitPawarSpeaks #BudgetSession2022 #OBC #MVA pic.twitter.com/czaxrR2pJi
— Pravin Darekar – प्रविण दरेकर (@mipravindarekar) March 4, 2022
तसेच “ओबीसींच्या आरक्षणासंदर्भात हे सरकार गंभीर नाही. केवळ सरकारच्या निष्काळजीपणामुळे राज्यभरातील ओबीसी समाजात अस्वस्थता आहे. तसेच एसटी कर्मचाऱ्यांच्या बाबतीतही सरकारची भूमिका सहानुभूतीची नाही. हे सरकार दडपशाही पद्धतीने काम करत आहे, परंतु कर्मचारी हे सहन करणार नाहीत. एसटी कर्मचाऱ्यांना न्याय दिलाच पाहिजे किंबहुना आम्ही यासाठी सरकारला धारेवर धरू.”, असा इशारा दरेकर यांनी ठाकरे सरकारला दिला आहे.
महत्वाच्या बातम्या:
‘झुंड’मध्ये अमिताभ बच्चन यांनी भुमिका साकारलेल्या बारसेंची प्रतिक्रिया
“नागराज तुझ्या आयुष्यातील ..” नागराज मंजुळेसाठी सुबोध भावेची खास पोस्ट
IND vs SL: विराट कोहलीचे शतक हुकल्याने ट्विटरवर चाहत्यांनी दाखवली निराशा
- ओबीसी आरक्षणाला राज्य सरकारकडून ‘धक्का नाही धोका’; पंकजा मुंडे आक्रमक
