गीतानं सांगितला डिलिव्हरी रूममधला हरभजनचा अजब किस्सा

मुंबई : भारतीय क्रिकेट संघाचा माजी फिरकीपटु हरभजन सिंग दुसऱ्यांदा बाबा झाला. त्याची पत्नी अभिनेत्री गीता बसराने मुलाला जन्म दिला आहे. या दांपत्यांना यापुर्वी हिनाया नावाची एक मुलगी आहे.

भारतीय संघाचा माजी क्रिकेटपटु हरभजन सिंगच्या घरी दुसऱ्यांदा पाळणा हलला आहे. हरभजनची पत्नी गीता बसराने नुकताच एका मुलाला जन्म दिला आहे. हरभजन सिंगने ट्विट करत ही माहिती आपल्या चाहत्यांना दिली. आयपीएल दरम्यान हरभजन आणि गीता बसरा हे दोघे एकमेकांना डेट करत होते. अनेक वर्षे डेट केल्यानंतर २०१५ मध्ये दोघांनी लग्न केले. लग्नानंतर एका वर्षातच त्यांना हिनाया नावाची मुलगी झाली होती.

दरम्यान काही दिवसांपूर्वी रुग्णालयातून डिस्जार्ज मिळाल्यानंतर हरभजनची पत्नी गीता आणि बाळ घरी आले आहेत. बाळाच्या स्वागताचा एक व्हिडीओ सोशल मीडियावर शेअर करण्यात आला होता. यादरम्यान गीताने हरभजनबाबत एक चकित करणारी माहिती दिली आहे. बाळाचा जन्म होत असताना हरभजन डिलिव्हरी रूममध्ये चक्क फोटो काढत होता.

अलिकडेच दिलेल्या एका मुलाखतीत गीताने याबाबतचा खुलासा केला आहे. गीताने सांगितले की, ‘डिलिव्हरी रूममध्ये हरभजन माझासोबतच होता. परंतु तो माझ्याकडे लक्ष देण्याऐवजी फोटो काढण्यात मग्न होता. जेव्हा मुलाचा जन्म झाला तेव्हा तो आनंदानं नाचू लागला. जोरजोरात गाणी गात होता. दुसऱ्या बाळाचा जन्म झाल्यापासून हरभजन अगदी लहानमुलांसारखाच वागू लागला आहे.” असं गीताने म्हंटल आहे.

महत्त्वाच्या बातम्या

• ‘दलित, ओबीसी, शेतकऱ्यांची मुले मंत्री बनले म्हणून काही लोकांना पोटशूळ’; विरोधकांच्या गोंधळावर मोदींच भाष्य
• कुणीतरी येणारं येणारं गं! नेहा धुपिया दुसऱ्यांदा होणार आई
• आयुष्य सार्थकी लागलं; संत ज्ञानेश्वर महाराज पालखीच्या शिवशाही बसचे चालक भावुक
• ‘मोदी सरकार कोसळण्यासाठी २०२४ पर्यंत थांबावं लागणार नाही’; बड्या नेत्याचे भाकीत
• ‘मुंबईवरील भविष्यातील संकटाचे हे संकेत तर नाही ना?’; भाजप नेत्याने व्यक्त केली भीती