नवी दिल्ली : राज्य आणि देशात गेल्या काही आठवड्यापासून कोरोनाच्या संसर्गाने पुन्हा एकदा डोके वर काढले आहे. कोरोनाच्या या संकटात अनेक मान्यवर पुढे येत वेगवेगळ्या प्रकारे मदत करत आहे. कोरोनाच्या या लढ्यात भारताचा माजी क्रिकेटपटू आणि दिल्लीचा भाजप खासदार गौतम गंभीरनेही पुढे येत एका औषधाचे मोफत वाटप करण्याचा निर्णय घेतला आहे.
मागील महिन्यात २५ एप्रिल रोजी गौतम गंभीरने एक ट्विट केले होते. त्या ट्विटमध्ये गंभीरने फॅबीप्लू हे औषध मोफत वाटण्याची घोषणा केली होती. तसेच हे औषध मिळवण्यासाठी ठिकाण आणि वेळही दिली होती. मात्र काही दिवसानंतर या ट्विटवर पोलिसांची नजर गेली. पोलिसांनी हे औषध गंभीरला कुठे मिळाली याची चौकशी सुरु केली होती. या मोफत औषध वाटपावरुन गंभीर विरोधकांच्या देखील रडारवर आला होता. काँग्रेसचे पवन खेरा आणि आम जनता पार्टीचे दुर्गेश पाठक यांनी गंभीरवर आरोप करत त्याने ती औषधे कुठुन आणली अशी चौकशी करण्याची मागणी केली होती.
मात्र, दिल्ली पोलिसांनी या प्रकरणी गौतम गंभीर यांना क्लीन चिट दिली असून, यासंदर्भातील अहवाल दिल्ली उच्च न्यायालयात सादर केला आहे. दिल्ली पोलिसांनी उच्च न्यायालयाला सादर केलेल्या रिपोर्टमध्ये म्हंटल आहे की, आतापर्यंत करण्यात आलेल्या तपासात औषधांचा काळाबाजार केल्याचा आरोप झालेले हे सर्वजण लोकांना औषधे, ऑक्सिजन, प्लाझ्मा आणि हॉस्पिटल बेड्सच्या स्वरुपात वैद्यकीय मदत मिळवून देत होते. यावेळी त्यांनी मदत केलेल्यांकडून एक रुपयाही घेतला नाही. यामुळे त्यांच्यावर होणारा घोटाळ्याचा आरोप चुकीचा आहे. वाटप किंवा मदत ही कोणताही भेदभाव न करता सुरु होती, असे पोलिसांनी सांगितले.
महत्वाच्या बातम्या
- उस्मानाबाद जिल्हा कारागृहात ‘एवढ्या’ बंदींना कोरोनाची लागण
- ‘घरात नाही दाणा पण मला “वॅक्सिन गुरू” म्हणा…’; चाकणकरांची केंद्रावर टीका
- कोरोना संशोधन गटाच्या प्रमुखांचा तडकाफडकी राजीनामा; सरकारी धोरणांविषयी व्यक्त केलेली नाराजी
- सकारात्मक! २५ दिवसांनंतर कोरोनाचे नवे रुग्ण तीन लाखांपेक्षाही कमी
- जडेजाच्या तलवारबाजीची धोनीनं केली हुबेहूब नक्कल ; उथप्पालाही आवरले नाही हसू
