औरंंगाबाद : तारण ठेवलेल्या चार लाख शेअर्सची खोट्या डिलेव्हरी स्लिपच्या सहाय्याने विक्री करून, सहा कंपन्यांनी शहरातील नाथ बायो जीन्स (ई) या कंपनीला जवळपास ११ कोटी ५१ लाख रूपयांचा चुना लावल्याची घटना समोर आली आहे. याप्रकरणी नाथ बायो जीन्स कंपनीच्या व्यवस्थापकाकडून दिलेल्या तक्रारीवरून सातारा पोलिस ठाण्यात गुन्हा दाखल करण्यात आला आहे.
अस्तीत्व कॅपीटल मार्केट प्रा. लि., जावन मुबारसा, मे. अर्जंट फीनवेस्ट प्रा. लि आणि अंबे सेक्युरिटीज प्रा. लि. कांदिवली (ईस्ट) येथील कंपनीच्या संचालकांनी आपसात कट रचुन ४ लाख शेअर्सची खोटी डिलेव्हरी स्लिप तयार करून, संबंधीतांना कोणतेही अधिकार नसताना, या डिलेव्हरी स्लिपवर सह्या करून इलेक्ट्रॉनिक माध्यमांचा वापर करून विक्री केली. हे व्यवहार २० नोव्हेंबर २०२० पासून ते तक्रार अर्ज देण्यापुर्वी पर्यंत करण्यात आले.
परस्पर शेअर्स विकल्यामुळे नाथ बायो जिन्सचे ११ कोटी ५१ लाख रूपयांची आर्थिक फसवणूक झालेली असल्याची तक्रार कंपनीचे व्यवस्थापक सुनिल दिक्षीत यांनी नोंदविली आहे. या प्रकरणी दिक्षीत यांच्या तक्रारीवरून मे. अर्जंट फिनवेस्ट कंपनी, रोहित अरोरा, प्रदिप कुमार जिंदल, अस्तीत्व कॅपीटल मार्केटचे प्रमोटर हेमंत कुमार गुप्ता, जीवन मुबारसा, सर्व संचालक रा. नवी दिल्ली, यांच्यासह आंबे सेक्युरिटीज प्रा. लि.चे अनुपम गुप्ता, तसेच अभय गुप्ता रा. कांदीवली ईस्ट या सात जणांच्या विरोधात सातारा पोलिस ठाण्यात गुन्हा दाखल करण्यात आला असून याचा तपास आर्थिक गुन्हे शाखेचे पोलिस निरीक्षक दादासाहेब शिनगारे करित आहेत.
महत्त्वाच्या बातम्या
- संकटात भर : चक्रीवादळाचा कोकणासह मुंबईतील ऑक्सिजन प्रकल्पांना धोका; सतर्कतेचे आदेश
- सरकारची पोलखोल करण्यासाठी भाजप नेमणार कायदेतज्ज्ञांची समिती : चंद्रकांत पाटील
- ‘मराठा आंदोलने होऊ नये म्हणून कोरोनाचे निर्बंध, भाजप आंदोलनात भाग घेणार’
- ‘डिअर राजीव, वुई विल मिस यू’, सुप्रिया सुळेंच्या ‘त्या’ व्हिडिओची चर्चा
- औरंगाबादेत शिवसेना-एमआयएमच्या वादात प्रलंबित राहिलेल्या ‘या’ कामास मिळाली गती!
बातम्यांसाठी YouTube चॅनेल Subscribe करा
Subscribe Now
