परभणी : येथील बसस्थानक परिसरातून पाथरी पोलिसांनी कारवाई करत गांजा जप्त केला. 4.80 किलो असलेला हा गांजा 23 हजार रुपयांचा असल्याचे सांगण्यात येत आहे. या कारवाईत एका महिलेला पोलिसांनी ताब्यात घेतले. ही कारवाई बुधवारी रात्री आठच्या सुमारास करण्यात आली.
पाथरी पोलिस ठाण्याचे पोलिस निरीक्षक गजानन सैदाने यांना बसस्थानकात एक महिला गांजा घेऊन येणार असल्याची माहिती मिळाली होती. त्यावरून त्यांनी सहायक फौजदार पठाण, कर्मचारी शेख अलीम, थोरे, शेख, महिला पोलीस कर्मचारी अहिरे यांच्यासह सापळा रचला.
बुधवारी सायंकाळी सव्वा सातच्या सुमारास पोलिस निरीक्षक सैदाने हे अन्य कर्मचाऱ्यांसह बसस्थानक परिसरात दाखल झाले. त्यावेळी बसस्थानकात एक महिलेच्या संशयास्पद हालचालीवरून पोलिसांनी तिला हटकले. चौकशी केली असता महिलेने उडवाउडवीची उत्तरे दिली. परंतु पोलिसांचा संशय बळावल्याने महिला पोलिस कर्मचाऱ्यामार्फत त्या महिलेची झडती घेतली असता तिच्याजवळ 4 किलो 80 ग्रॅम गांजा आढळला. पोलिसांनी गांजा जप्त करत त्या महिलेस ताब्यात घेतले. याप्रकरणी पाथरी पोलिस ठाण्यात गुन्हा दाखल करण्यात आला आहे.
महत्वाच्या बातम्या
- मराठा आरक्षणासाठी अख्खं गाव उतरलंय आंदोलनात, ग्रामस्थांचा आत्मदहनाचा इशारा
- तृप्ती देसाई यांच्या विरोधात बाह्मण महासंघाचे पुण्यात ‘जोडे मारो’ आंदोलन
- तेरा वर्षीय मुलीसोबत लग्न, नवरदेवाविरोधात पॉक्सोचा गुन्हा
- ‘या’ दोन मोठ्या शेतकरी संघटनांनी घेतली आंदोलनातून माघार
- पक्षविरोधी भूमिकेचे आ. सावंत यांच्याकडून खंडण
