टीम महाराष्ट्र देशा : औरंगाबाद मतदारसंघातील अपक्ष उमेदवार हर्षवर्धन जाधवांची एक फेसबूक पोस्ट सध्या व्हायरल होत आहे. यामध्ये ते एमआयएमला इशारा देताना दिसत आहेत. हर्षवर्धन जाधावांनी या व्हिडिओमध्ये एमआयएमच्या कार्यकर्त्याने शिवाजी महाराजांची प्रतिमा मलिन केल्याचा आरोप लावला आहे.
दरम्यान, हर्षवर्धन जाधव यांच्यावर औरंगाबादमध्ये अदखलपात्र गुन्हा दाखल झाला आहे. जाधव यांनी चिथावणीखोर व्हिडीओ प्रसारित करत एका पक्षाची कार्यालये उद्ध्वस्त करण्याचे आवाहन केले होते. याची दखल घेत शहरातील क्रांती चौक पोलीस ठाण्यात हा गुन्हा दाखल करण्यात आला आहे. दरम्यान, गुन्हा दाखल झाल्यानंतर हर्षवर्धन जाधव यांनी संबंधित आक्षेपार्ह व्हिडीओ फेसबुकवरुन हटवला आहे.
बातम्यांसाठी YouTube चॅनेल Subscribe करा
Subscribe Now
